ბუჩი და სანდენსი ჰოლინვოლის ბანდის ორი ლიდერია. ბუჩი იდეების, სანდენსი კი მოქმედების კაცია. დასავლეთი უფრო და უფრო ცივილიზებული ხდება და მას შემდეგ რაც ბუჩი და სანდენსი მატარებელს გაძარცვავენ, პოლიციის სპეციალური რაზმი მათ ყველგან დასდევს. როდესაც ბედის წყალობით გაქცევას მოახერხებენ, ბუჩს ახალი იდეა მოუვა: ბოლივიაში წასვლა...
ჯოვანი ბოკაჩოს გულახდილი ნოველები მეთოთხმეტე საუკუნის სექსუალური თავგადასავლების შესახებ. თქვენს წინაშეა 9 ნოველა, რომელიც დიდმა რეჟისორმა პიერ პაოლო პაზოლინიმ გააცოცხლა...
მზის დაბნელება ააქტიურებს მაგიურ დროის პორტალს და ჩვეულებრივი სკოლის მოსწავლე ვიქტორი, ოცდამეერთე საუკუნიდან ათასი წლის უკან ხვდება. ვიქტორი უჩვეულო მოვლენების ეპიცენტრში აღმოჩნდება , ჩაებმევა ბრძოლაში მითიურ არსებებთან და ნამდვილ სიმამაცეს შეიძენს...
ვიქტორ ჰიუგოს რომანის კლასიკური ეკრანიზაცია გამოირჩევა პირველ რიგში დეკორაციებითა და ლუდოვიკო XI მეფობის ხანის სკურპულოზული აღდგენით, ლამაზი კოსტუმებითა და სულში ჩამწვდომი თამაშით...
ფილმი გადაღებულია ოლივერ სთოუნის სცენარის მიხედვით. ამერიკელი ოფიცერის მეუღლე და შვილი, პარიზის კაფეში, ისლამისტი ტერორისტების დადებული ბომბის აფეთქების დროს იღუპებიან. რამდენიმე წლის შემდეგ, 1993 წელს, ის ყოფილ იუგოსლავიაში იბრძვის, სადაც ხანძრის დროს, ფეხმძიმე სერბ ქალს გადაარჩენს. ეს სასტიკი და სულისშემძვრელი დრამა საშინელ ომს გმობს, რომლის შეჩერებაც ვერაფრით ხერხდება...
ფრანკო ძეფირელის გენიალური ფილმი, გადაღებული უილიამ შექსპირის შედევრის მიხედვით. დიდებული იტალიელი რეჟისორი, უილიამ შექსპირის პიესათა ეკრანიზაციის ყველაზე საუკეთესო ოსტატად ითვლება. ოსკარის ორი ნომინაციის მფლობელი ფრანკო ძეფირელი, წარმოგიდგენთ უკვდავი "ჰამლეტის" საკუთარ ვერსიას...
კელის ბანდას, რომელიც მისი ძმის და კიდევ რამდენიმე კაცისგან შედგება, დაშინებული ყავდა მთელი ვიქტორიის შტატი. ბანკის ძარცვა და სამი პოლიციელის მკვლელობა ეს ნაწილია იმ კრიმინალური დანაშაულებებისა რაც ჩაუდენია ამ ბანდას. თითქოს ამ ბიჭებს იღბალი არასდროს არ მოშორებიათ. ერთხელ ნედმა ერთ სახლში მხიარული წვეულება მოაწყო, ბანდა ელოდებოდა მატარებელს დასაყაჩაღებლად, მაგრამ არავის წარმოედგინა რომ მათი ჩანაფიქრი სასიკვდილო ბრძოლად გადაიქცეოდა.
1968 წელს ფორდის ქარხანაში 850 ქალი გაიფიცა იმის გამო, რომ ქალების უფლებები ირღვეოდა. ითვლება, რომ სწორედ ამ დროიდან, პირველად წამოიჭრა საკითხი, რომ მამაკაცებისთვის და ქალებისთვის ერთნაირად გადაეხადათ გასამრჯელო...
რუსეთი, 1917 წელი. პირველი მსოფლიო ომი. ეს არის ისტორია ქალების პირველ ბატალიონზე რუსეთში, რომელიც ჩამოყალიბდა საბრძოლო სულის ასამაღლებლად რუსეთის დროებითი მთავრობის მიერ...
კრისტი მარტინის, 1990-იანი წლების ყველაზე წარმატებული ქალი მოკრივის, ისტორია, რომელმაც თამამად შეაბიჯა მამაკაცთა კრივში და შეცვალა ქალთა კრივის შესახებ წარმოდგენა.
მარია კალასი, მსოფლიოს უდიდესი ოპერის მომღერალი, სიცოცხლის ბოლო დღეებს 1970-იანი წლების პარიზში ატარებს, სადაც საკუთარ ვინაობასა და ცხოვრებას უპირისპირდება.
ბრაზილია, 1971 წელი. ქვეყანაში ექვსი წელია სამხედრო დიქტატურა მძვინვარებს. ინჟინერი რუბენს პაივა, მრავალშვილიანი მამა და მოსიყვარულე ქმარი, რიო-დე-ჟანეიროში ცდილობს ოჯახისთვის უზრუნველყოფილი ცხოვრება შექმნას, მაგრამ ჯარისკაცები ჩამოდიან და რუბენსი დაკითხვაზე მიჰყავთ, საიდანაც ის აღარასდროს ბრუნდება. მისი ცოლი, იუნისი, სიმართლისთვის ბრძოლას იწყებს და საყვარელი ადამიანის დაბრუნებას ცდილობს.
ავსტრიელი მთამსვლელი ჰაინრიჰ ჰარერი ჰიმალაებში ოჯახის გარეშე მიემგზავრება, რათა 1939 წლის ექსპედიციას უხელმძღვანელოს, მაგრამ მეორე მსოფლიო ომი იწყება და ამპარტავან ჰარერს მოკავშირე ძალები ხელთ იგდებენ, როგორც სამხედრო ტყვეს. იგი სხვა პატიმარათან ერთად ტყვეობას თავს აღწევს და ლიასოში, ტიბეტში მიემგზავრება. აქ ის 14 წლის დალაი ლამას შეხვდება. მასთან მეგობრობა საბოლოოდ შეცვლის ჰარერის მსოფლმხედველობას და შეხედულებას ცხოვრების შესახებ...
ფილმში მოვლენები ვითარდება მე-18 საუკუნეში.ინგლისელი და ფრანგი ჯარისკაცები ჩრდილოეთ ამერიკის კოლონიების ხელში ჩასაგდებად იბრძვიან. ადგილობრივები და ამერიკელები იძულებულნი არიან დაპირისპირებაში ჩაერთონ. კორა და მისი და ელისი შემთხვევით სახიფათო მდგომარეობაში აღმოჩნდებიან, მაგრამ მათ უკანასკნელი მოჰიკანის მიერ აღზრდილი მამაკაცი გადაარჩენთ...
მას შემდეგ, რაც ბენჯამინ მარტინმა თავისი თავი ფრანგებისა და ინდიელების ომში გამოსცადა, მას ეს საქმე აღარ აინტერესებს და ფერმერის მარტივი ცხოვრების წესს ირჩევს. მაგრამ როდესაც მისი შვილი, გაბრიელი ნებაყოფლობით მიდის ჯარში ახალი ნაციის, ამერიკის დასაცავად, ბენჯამინი ძალაუნებურად იძულებული ხდება დაუბრუნდეს ძველ ცხოვრებას, რათა საკუთარი შვილი დაიცვას.
"ქრისტეს ვნებანი" მხატვრული ფილმია, სადაც აღწერილია იესოს სიცოცხლის ბოლო 12 საათი. ქრისტეს წამების სცენების ზედმიწევნით რეალისტურად ასახვისათვის, რეჟისორმა - მელ გიბსონმა მაყურებლებისა და კრიტიკოსების მხრიდან მწვავე კრიტიკა დაიმსახურა, განსაკუთრებით კი ებრაული საზოგადოებისგან. ფილმი არაბულ, ლათინურ და ძველ ებრაულ ენებზეა ნათარგმნი. როლებს არაპროფესიონალი მსახიობებიც ასრულებენ, რაც ასევე კამათის საგანი გახდა...
ოსკაროსანი სცენარისტისა და რეჟისორის აარონ სორკინის ბიოგრაფიული დრამა, ორი დიდი ამერიკელი სუპერვარსკვლავის უსილ ბოლის და დისი არნაზის ცხოვრების, ურთიერთობისა და ერთობლივი თანამშრომლობის შესახებ. ისინი შოკისმომგვრელი პირადი ბრალდებების, პოლიტიკური ცილისწამების და კულტურული ტაბუების პირისპირ აღმოჩნდებიან. ფილმი წყვილის რთულ რომანტიკულ და პროფესიულ ურთიერთობებს გვიჩვენებს, რომელსაც მაყურებელი სცენარისტების ოთახში, დახურულ კარს მიღმა გადაჰყავს.
კრივის მოთამაშე ჯიმ ბრედოკი ზედიზედ რამოდენიმე დამარცხების შემდეგ იძულებული გახდა სპორტიდან წასულიყო. თავისი ცოლ- შვილის სარჩენად ბრედოკი არცერთ სამსახურზე არ ამბობდა უარს. ის რინგზე დაბრუნების იმედებს მაინც არ კარგავს. და ერთხელაც, მას ამის შანსი მოეცემა. ბოლო წუთას ის სხვა სპორტსმენს შეცვლის და რინგზე გამოვა... ის მსოფლიო ჩემპიონის ტიტულის მოსაპოვებლად სხვა პრეტინდენტთან ერთად გამოვა. ბრედოკი ყველას გააკვირვერბს! ის გაიმარჯვებს მესამე რაუნდში! იმის მიუხედავად, რომ ის თავის მოწინააღმდეგეებზე ნაკლები წონისაა და თან უამრავი ტრამვა აქვს მიღებული, ჯიმი აგრძელებს წინსვლას და რაუნდებში გამარჯვებას. ჯიმს წინ ბოლო ბრძლა ესლის მსოფლიო ჩემპიონთან მაქს ბაერთან, რომელმაც რინგზე ორი ადამიანი მოკლა...
მე-14 საუკუნე. ფრანცისკანელი ბერი უილიამ ბასკერვილელი და მისი ახალგაზრდა მოწაფე ჩადიან მონასტრის ყრილობაზე, რადგან რამდენიმე ბერი უცნაურ ვითარებაში იქნა მოკლული. კრიმინალი რომ გამოიძიონ, უილიამი უნდა დაუპირისპირდეს ეკლესიის ავტორიტეტს და იბრძოლოს მის წინააღმდეგ...
ნეითენ ალგრენი ამერიკელია, რომელიც იაპონელებმა, მე-19 საუკუნის 70-იან წლებში თანამედროვე ომის ხელოვნების სწავლებისთვის დაიქირავეს, რომლის დროსაც ალგრენი სამურაებისგან პატივისცემისა და ღირსების პრინციპებს სწავლობს. მოდერნიზაციისა და თავისუფალი ვაჭრობის დანერგვის მიზნით ალგრენს სამურაების ცხოვრების სტილის მოსპობას აიძულებენ, მაგრამ ის გადაწყვეტს თვითონვე გახდეს უკანასკნელი მებრძოლი, და სამურაების გადასარჩენად იბრძოლოს...
1942 წელი. ბრძოლა სტალინგრადთან. გერმანელები, მაიორ კენინგს განსაკუთრებულ დავალებაზე აგზავნიან. ეს გამოცდილი პროფესიონალი, ერთადერთია, ვისაც შეუძლია რუსი ლეგენდარული სნაიპერის - ვასილი ზაიცევის დამარცხება...
ექვსი ამერიკელი ქვეითი ჯარისკაცის ისტორია, რომლებმაც დროშა აღმართეს სურიბაჩის მთის მწვერვალზე ივოძიმას ბრძოლის მსვლელობისას. კუნძული ივოძიმას აღების ოპერაცია 1945 წლის გაზაფხულს ამერიკა-იოპონიის წყნაროკეანური კამპანიის გარდამტეხ მომენტად იქცა. ცნობილი ფოტო, რომელიც ჯო როზენტალმა გადაიღო 1945 წლის 23 თებერვალს, სწორედ ამ მოვლენას ასახავს...
ეს რეალური და სამწუხარო ამბავი მეცხრამეტე საუკუნეში მცხოვრები ადამიანის – ჯონ მერიკის ისტორიას მოგვითხრობს, რომელსაც საშინელი სენი – სხეულის დეფორმაცია ტანჯავდა...
1942 წელს გერმანიამ საზღვაო ძალების სრული მობილიზაცია გამოაცხადა. ათასობით წყალქვეშა ნავი ყოველდღიურად მიემართებოდა ინგლისური, ამერიკული და რუსული ხომალდების გასანადგურებლად...
ფილმი მოგვითხრობს ღვთისმშობელი მარიამის და იოსების მძიმე მოგზაურობის შესახებ, მას შემდეგ, რაც ისინი ნაზარეთიდან განდევნეს. მოგზაურობის დროს ისინი ბედმა არაერთხელ გამოსცადა. მათი გზა მთავრდება ბეთლემში, სადაც იესო დაიბადა...
რეიფ მაკკოულისა და დენი უოკერის დიდი ხნის მეგობრობა სერიოზულ გამოცდას გადის, როცა ეს ორი უმაღლესი კლასის მფრინავი და საზღვაო ექთანი ეველინ ჯონსონი სასიყვარულო სამკუთხედში ხვდებიან. მაგრამ ეს დაპირისპირება მეტოქეებად ქცეულ მეგობრებს შორის უმალ წყდება, როდესაც ისინი 1941 წლის 7 დეკემბერს პერლ ჰარბორში იაპონელების დამანგრეველი შეტევის შუაგულში აღმოჩნდებიან...
1572 წლის 24 აგვისტოს ღამე, ცნობილი როგორც ბართლომეს ღამე. საფრანგეთში რელიგიური ომი მიდის. ქვეყანაში წესრიგის დასამყარებლად, მშვენიერი და ამაყი პრინცესა მარგო, კათოლიკური მეფის კარლ IX და, ცოლად პროტესტანტს გენრიხ ნავარსკის უნდა გაყვეს. ქორწილის მერე ბართლომეს ღამე მოხდა, რომელსაც სასტიკმა ეკატირინა მედიჩიმ გაუწია ორგანიზება...
2001 წლის 11 სექტემბერს, მას შემდეგ რაც ტერორისტებმა მსოფლიო სავაჭრო ცენტრის შენობა დაანგრიეს მაშველი რაზმი გადარჩენილების მოძებნას ცდილობს. უილ ჯიმენო და სერჟანტი ჯონ მაკლოულინი ნანგრევების ქვეშ არიან მოყოლილები, მაშველი რაზმი კვლავ განაგრძობს ბრძოლას მათ გადასარჩნად...
სექსის, სისასტიკისა და როკ-ნ-როლის ისტორია, 1950–იანი წლების ჩიკაგო. "კადილაკ რეკორდსი" - ისეთი ამერიკელი მუსიკალური ლეგენდების შესახებ მოგვითხრობს, როგორებიც მადი უოთერსი, ლეონარდ ჩეზი, ლითლ უოლტერი, ჰოულინ უოლფი, ეთი ჯეიმსი და ჩაკ ბერი არიან...
ფილმი დედოფალი ელისაბედის მეფობის ადრეულ წლებზე მოგვითხრობს. კათოლიკური ეკლესია წინააღმდეგია დედოფლის და ლორდ რობერტ დადლის რომანტიკული ურთიერთობის, მათ სურთ ელისაბედი მათთვის სასურველ კანდიდატს გაჰყვეს ცოლად...
ფილმი მოგვითხრობს პირველი მსოფლიო ომის ლეგენდარულ გმირზე – ინგლისელ ჯაშუშზე თ.ე. ლოურენსზე, რომელიც არაბთა ტომებში მოქმედებდა და ითავა მათი ლაშქრობა თურქების წინააღმდეგ. ფილმი თომას ედვარდ ლოურენსის ავტობიოგრაფიის მიხედვითა გადაღებული...
რევოლუციური ტექნოლოგიის საშუალებით, რომელსაც მემკვიდრული ინფორმაციის გათავისუფლება შეუძლია, კალუმ ლინჩი გამოცდის მისი წინაპრის თავგადასავლებს მეთხუთმეტე საუკუნეში.
პუს, ჩინეთის უკანასკნელი იმპერატორის ისტორია. გარე სამყაროდან იზოლირებული, ის მუდამ მიისწრაფოდა დახურული ქალაქიდან. მას მთელი გზის გავლა მოუწია მწვერვალიდან უფსკრულამდე...
დიდი დეპრესიის ჩრდილში - სახელგანთქმული კრიმინალები ჯონ დილინჯერი, "ბავშვის სახიანი" ნელსონი და "ლამაზი ბიჭი" ფლოიდი დანაშაულს გეგმავენ. ედგარ ჰუვერსა და გამოძიების ფედერალურ ბიუროზეა დამოკიდებული მათი დამარცხება, ამ მწარე რეალობით აღსავსე კრიმინალურ დრამაში...
ედ ვუდი ყველა დროის ყველაზე ცუდი რეჟისორია. იგი თავის მეგობრებთან ერთად ერთმანეთის მიყოლებით იღებს მცირებიუჯეტიან ფილმებს, მაგრამ პოპულარობასა და წარმატებას ვერ აღწევს. ტიმ ბარტონისა და ჯონი დეპის უცნაური, შავ-თეთრი, ერთობლივი ნამუშევარი...
1945 წლის მაისი. დანია ნელნელა ფხიზლდება გერმანიის ოკუპაციის შემდეგ, მაგრამ მთლიანად დასავლეთ სანაპირო დანაღმულია - ეს სიურპრიზია მოკავშირე არმიასთვის. სამხედრო სარდლობის გადაწყვეტილებით, განაღმვა მოხდება სამხედრო ტყვეების მეშვეობით. სერჟანტ რასმუსენს კატეგორიულად არ უმართლებს. მის დაქვემდებარებაში ძალიან ახალგაზრდა გერმანელი ჯარისკაცები არიან. ბიჭები, რომლებიც ცოტა ხნის წინ ერთმანეთისგან იწერდნენ საკონტროლოზე...
მეორე მსოფლიო ომის დროს "ქართან მოსაუბრები" აშშ სამხედრო ძალების სპეციალურ დანაყოფს წარმოადგენდა. მისი წევრები საიდუმლო კოდურ ენას ფლობდნენ, რომლის გაშიფრვაც შეუძლებელი იყო.
ლეგენდარული შერიფი უაიტ ერპი უკვე ცხოვრებაგამოვლილი, დაქანცული მსროლელია, რომელიც უერთდება მის ორ ძმას მორგანს და ვირჯილს, რათა ბედი მაღაროელთა აყვავებულ ქალაქ თომბსთოუნში ეძიონ, მაგრამ როდესაც მოულოდნელად თავს ყაჩაღთა დაჯგუფება დაატყდებათ, რომელიც ქალაქს ატერორებს, ერპი იძულებული ხდება კვლავ ძველი ფორმა ჩაიცვას და დახმარება მის სახელგანთქმულ მეგობარს, დოქ ჰოლიდეის სთხოვოს...
ახალგაზრდა აგენტი ელიოტ ნესი ჩიკაგოში ჩამოდის და ალ კაპონეს გამოჭერა აქვს გადაწყვეტილი. ეს ადვილი არ არის, კაპონე პოლიციასთანაა შეკრული. ნესი ჯიმი მელოუნს შეხვდება და დახმარებას სთხოვს. ჯიმი აფრთხილებს, რომ კაპონეს დაჭერა ომის გამოცხადებას ნიშნავს.
ახალგაზრდა დედოფალს რომელსაც შეურაცხადი მეუღლე ჰყავს, მისი მკურნალი ექიმი შეუყვარდება. ერთად ისინი რევოლუციას წამოიწყებენ, რომელიც მთელი ნაციის ცხოვრებას შეცვლის. ეს არის ისტორია მამაცი იდეალისტების შესახებ, რომლებიც ყველაფერზე მიდიან ადამიანებისთვის თავისუფლების მოსატანად და ყველაზე მეტად ეს არის ამბავი ვნებიანი და აკრძალული სასიყვარულო ურთიერთობის შესახებ, რომელმაც მთელი ერის ცხოვრება სამუდამოდ შეცვალა...
ამერიკის ოთხი პრეზიდენტი ერთიანდება, რომ დაარბიონ ამერიკის პირველი ქალური ჟურნალი. ეს კი გადაიზრდება უპრეცედენტო ბრძოლაში ჟურნალისტებისა და ხელისუფლებას შორის. ფილმი შთაგონებულია ჭეშმარიტი მოვლენებით...
ახლადარჩეულმა პრეზიდენტმა, ნელსონ მანდელამ იცის, რომ აპარტეიდის შემდგომ ერი რასობრივად და ეკონომიკურად გაყოფილი რჩება. მტკიცე რწმენით, რომ მას შეუძლია თავისი ხალხის გაერთიანება სპორტის უნივერსალური ენის მეშვეობით, მანდელა კრავს სამხრეთ აფრიკის რაგბის ნაკრებს, რომელიც გაიბრწყინებს 1995 წლის რაგბის მსოფლიო თასის ჩემპიონატის ისტორიულ მატჩში.
ფილმი მოგვითხრობს რეინჰარდ ჰეიდრიხის აღზევებაზე - ნაცისტური გერმანიის საზოგადო და პოლიტიკურ მოღვაწეზე. მისი ინიციატივა იყო საბოლოოდ "გადაეწყვიტათ" ებრაელების საკითხი. იგი ინგლისელების მიერ სპეციალურად მომზადებულმა ჩეხოსლოვაკიელმა დივერსანტებმა მოკლეს...
მე-18 საუკუნის საფრანგეთში შევალიე დე ფონსაკს და მის ამერიკელ მეგობარს - მანის, მეფე გევოდანის პროვინციაში გაგზავნის,რომ ასობით ადამიანის იდუმალებით მოცული მკვლელობა გამოიძიონ...
ისტორიულ მოვლენაზე, 1972 წლის ზაფხულში მუნჰენის ოლიმპიადაზე მომხდარ ტრაგედიაზე დაფუძნებული პოლიტიკური თრილერი, სადაც ოლიმპიადის მონაწილე 11 ებრაელი წევრი გაიტაცეს და მოკლეს. ფილმში ნაჩვენებია, თუ როგორ მოქმედებდა ისრაელის საიდუმლო სამსახური ამ დროს.
ფილმში ასახულია მეორე მსოფლიო ომის დროინდელი მოვლენები - ჯარისკაცებისათვის, რომლებიც მხარდამხარ იბრძვიან, სამყარო კარგავს მნიშვნელობას და ბრძოლის მიზანი მხოლოდ საკუთარი თავისა და მეგობრების სიცოცხლის გადარჩენა ხდება.
რეჟისორ რონ ჰოვარდის მიერ რეალური ისტორიის მიხედვით გადაღებული ფილმი, აპოლო 13-ის მთვარის მისიის ასტრონავტ ჯიმ ლოველისა და მისი ეკიპაჟის თავს გადამხდარი ტექნიკური პრობლემების შესახებ, რომელიც შეუსრულებელი მისიიდან ჟრუანტელის მომგვრელ გმირობამდე ვითარდება. დედამიწიდან 200 000 მილით დაშორებული ასტრონავტები დედამიწის მართვის ჯგუფთან ერთად გააფრთებულნი ცდილობენ ტრაგედიის თავიდან აცილებას...
ნამდვილი ამბავი, სენატორის ძმაზე და ყველაზე სასტიკ კრიმინალზე სამხრეთ ბოსტონის ისტორიაში. ის გახდა FBI-ის ინფორმატორი იმისთვის, რომ გაენდგურებინა მაფიის კლანი.
ედუარდ უილსონი, მამამისის თვითმკვლელობის ერთადერთი მოწმე, თავის ქალის და ძვლების ორგანიზაციის წევრი და იელის უნივერსიტეტის სტუდენტი, წესიერი და მაღალი მორალის მქონე ახალგაზრდა კაცია, რომელიც აფასებს ღირსებას და კეთილგონიერებას. საქმისადი თავდადება მას ძვირად დაუჯდება - ის იძულებულია მსხვერპლად გაიღოს იდეალები და საკუთარი ოჯახიც კი...