ფილმის მთავარი გმირი – უდარდელი, უპასუხისმგებლო და მექალთანე სამუელი, რომლის ცხოვრება ერთ მშვენიერ დღეს რადიკალურად შეიცვლება, როდესაც მისი ერთ-ერთ ყოფილი საყვარელი ქრისტინე, მას ჩანთას და მის პატარა ქალიშვილს დაუტოვებს.
ახალგაზრდა შოტლანდიელი ექიმი განათლების ოფიციალური კურსის დამთავრების შემდეგ გადაწყვიტავს, რომ მის ცხოვრებაში თავგადასავლების დრო დადგა. იგი უგანდაში მიემგზავრება, სადაც პრეზიდენტ ობოტეს ჩამოგდების შემდეგ, ძალაუფლებას ხელში იღებს გენერალი იდი ამინი, რომელიც სთხოვს ნიკოლასს გახდეს მისი პირადი ექიმი. ნიკოლასი თანდათან ხვდება, რომ ამინი ერის კეთილისმსურველი კი არ არის, არამედ სასტიკი დიქტატორია...
ადამი ნიჭიერი მუსიკოსია, ცხოვრობს დეტროიტში და უკრავს 60-იანი წლების მუსიკას, სახლიდან კი მხოლოდ ღამით გამოდის. მისი საყვარელი ევა კი ტანჟერში ცხოვრობს, უყვარს პოეზია და ლამაზად ჩაცმა. ადამი და ევა ათას წელზე მეტის არიან. დიდი ხნის წინ მათ გადაწყვიტეს, რომ ახალი სისხლის გამო არ მოეკლათ ადამიანი და სავადმყოფოში აღებული სისხლით საზრდოობენ. მათ ცოტა ხნით ცალ-ცალკე ცხოვრება გადაწყვიტეს, მაგრამ დიდხანს უერთმანეთოდ ვერ გაძლეს.
სამ ახალგაზრდა ქალს, დინა ჯონსს, ეფი უაიტსა და ლორელ რობინსონს სურთ, რომ პოპის ვარსკვლავები გახდნენ. მათი ოცნება სრულდება, როდესაც ლეგენდარული ჯეიმს ეარლის ჯგუფში მოხვდებიან. მალე მათი სოლო კარიერაც დაიწყება, მაგრამ როდესაც დინას ჯგუფის სოლისტად დაასახელებენ, მეგობრების ურთიერთობაში ბზარი გაჩნდება.
ნიკ კასავეტესის 2002 წლის ფილმი, მთავარ როლში დენზელ ვაშინგტონით. დენზელი ასრულებს ჯონ ქუინსი არჩიბალდის როლს, რომლის ვაჟს მძიმე დაავადების დიაგნოზს დაუსვამენ, ბიჭს გულის ტრანსპლანტაცია სჭირდება. ოპერაციას დაზღვევა ვერ ფარავს, ჯონი მძევალს აიყვანს და ითხოვს შვილი დონორთა სიაში ჩასვან...
სიყვარულის ისტორია, რომელიც ახლო მომავალში დისტოპიურ სამყაროში ხდება. მარტოხელა ადამიანებს საშინელ სასტუმროში აგზავნიან სადაც ისინი ვალდებულნი არიან იპოვონ წყვილი 45 დღეში. თუ ისინი ამას ვერ ახერხებენ მათ ცხოველად აქცევენ და ტყეში უშვებენ...
ფილმი ვუდი ალენის სატირაა ბრიტანული მაღალი კლასის საზოგადოებასა და ჩოგბურთის ახალგზარდა ინსტრუქტორის შესახებ, რომელსაც ამ საზოგადაოებაში შეღწევა უნდა. როცა მას ორ ქალს შორის არჩევანის გაკეთება უწევს, რომელთაგან ერთი, უზრუნველყოფს მის ადგილს მაღალი კლასის საზოგადოებაში, მეორე კი პირიქით ძალიან დააშორებს, მას ხელისგულები უოფლიანდება და მის გონებაში მძიმე ფსიქოლოგიური მატჩი იწყება.
მილიარდერ ედვარდს და მექანიკოს კარტერს არაფერი აქვთ საერთო, გარდა იმისა, რომ ორივე სასიკვდილოდაა ავად. ისინი საავადმყოფოდან ერთად გაიქცევიან და გადაწყვეტენ, სიკვდილის წინ ყველაფერი გააკეთონ რაც კი ოდესმე სურდათ და ამისათვის სიას ჩამოწერენ. ამ პროცესში ისინი ერთმანეთს დაეხმარებიან, თან მეგობრებიც გახდებიან და რაც მთავარია, სიცოცხლის ხალისს იპოვნიან...
ახალგაზრდა კაცს ქირაობს მილიარდერი, რომელმაც ქონება მაღალტექნოლოგიურ გამოგონებებზე გააკეთა. მამაკაცს ევალება ერთი კვირა გაატაროს საიდუმლო ადგილას, სადაც მას მოუწევს ხელოვნური ინტელექტის მქონე ქალი-რობოტის ტესტირება...
ფილმის მოქმედება ჩვენი წელთაღრიცხვის 117-ე წელს ვითარდება. მთავარი გმირი - კვინტუს დიასი ერთადერთი ადამიანია, რომელიც რომის სასაზღვრო ციხეზე პიქტების იერიშს გადაურჩა. ახლა ლეგენდარულ მეცხრე ლეგიონთან ერთად, ის ჩრდილოეთისკენ მიემგზავრება, რათა გაანადგუროს პიქტები და მათი მეთაური გორლაკონი...
ცხელი ზაფხული საფრანგეთის სამხრეთში, ახალგაზრდა სცენარისტი ამინი დროებით მშობლიურ მხარეში ბრუნდება. ბიძაშვილები, მეგობრები, სტუდენტები ნიცადან - ყველანი აქ იკლავენ წყურვილს, ცეკვავენ, ზღვაში ბანაობენ და კავდებიან სიყვარულით. ოფელიას ტონი უყვარს, მაგრამ კლემანზეა დანიშნული. შარლოტანსაც უყვარს ტონი, ტონის ქალები უყვარს, ისევე როგორც სელინი, მაგრამ სელინს გიჟური წვეულებები უფრო უყვარს. ამ ზაფხულის სიგიჟეში ამინი იწყებს სიყვარულის ძიებას...
ჭკვიანმა, რბილმა, წყნარმა და შესანიშნავი მანერების მქონე ალაბამელმა იურისტმა უნდა დაიცვას სასამართლოში შავკანიანი, რომელიც უდანაშაულოდაა დაჭერილი და ბრალს სდებენ ძალადობაში. ფილმი გადაღებულია ჰარპერ ლის ცნობილი რომანის მიხედვით. ფილმს მიღებული აქვს ოსკარი!
ოქტავს ბადალი არ ჰყავს მთელ სამყაროში: ის ხომ რეკლამით არის დაკავებული! სწორედ ის წყვეტს თუ რა მოგინდებათ ხვალ. მისთვის ადამიანი იგივე პროდუქტია, როგორიც სხვა ყვალაფერი. ოქტავი - სარეკლამო სააგენტო ”ROSS & WITCHCRAFT”-ის კოპირაიტერია. მას უამრავი ფული აქვს, უთვალავი ქალი ეხვევა თავს, მისი ცხვირი ყოველთვის კოკაინით არის დასვრილი. და სწორედ მაშინ, როდესაც მის სულში კრიზისი მწიფდება, კომპანია ”MADON”-ისგან ახალ შეკვეთას იღებს.
ომიდან სახლში მიმავალი პოლი მატარებელში ერთ გოგონას გაიცნობს, რომელიც კოლეჯის ცოლიანი პროფესორისგან ბავშვს ელოდება. პოლი გადაწყვეტს მას დაეხმაროს და დესპოტი მამის წინაშე თავი ბავშვის მამად გაასაღოს...
1974 წელი. ფრანგი ბაგირზე მოსიაურულე ფილიპ პეტი გადაწყვეტს ნიუ-იორკში მსოფლიო სავაჭრო ცენტრის ტყუპ შენობებს შორის გაიაროს. ბაგირი ამ ორ ცათამბჯენს შორისაა გადაჭიმული. ფილმი გადაღებულია ფილიპ პეტის ავტობიოგრაფიული რომანის "მიწვდე ღრუბლებს" მიხედვით.
"ედვარდ მაკრატელხელება" ტიმ ბარტონის და ჯონი დეპის კლასიკური ნამუშევარია, სადაც პატარა ქალაქში, უცნაური, შეუმდგარი მეცნიერი ექსპერტი ჩადის. ამერიკის შუაგულის მაცხოვრებლების და მათი უცხო ადამიანების მიმართ შიშის შესახებ გადაღებული სატირა. ჯადოსნური ზღაპარი მარტოობაზე, სწავლაზე და სიყვარულზე.
ჯეინ ოსტინის ამავე სახელწოდების რომანის ეკრანიზაცია, თანამედროვე ახალგაზრდა ქალის, ენი ელიოტის შესახებ, რომელიც თავის გაკოტრების ზღვარზე მყოფ ქედმაღალ ოჯახთან ერთად ცხოვრობს. შვიდი წლის წინ ენიმ გაბედული ფრედერიკ უენტვორტის სიყვარული უარყო, მაგრამ როდესაც ფრედერიკი კვლავ შეიჭრება მის ცხოვრებაში, ახალგაზრდა გმირი იძულებულია წარსულის უკან მოტოვებას და მისი გულის კარნახს შორის რთული არჩევანი გააკეთოს, როცა საქმე მეორე შანსს შეეხება...
მომავლის საზოგადოება. ხულიგნების ბანდის ლიდერს ფსიქიური გადახრა აქვს სექსზე და ძალადობაზე, რისთვისაც ციხეში აღმოჩნდება. როდესაც გაათავისუფლებენ მას ყველა ძველი ნაცნობი სასტიკად უსწორდება...
არც ისე შორეულ მომავალში დრო გახდა ყველაზე მყარი ვალუტა, ადამიანები გენეტიკურად დაპროგრამებულები არიან და 25 წლის მერე აღარ ბერდებიან. სამაგიეროდ დანარჩენი სიცოცხლე უკვე ფული ღირს. ამიტომ მდიდრები პრაკტიკულად უკვდავები ხდებიან, ხოლო ღარიბები როგორც ყოველთვის დაჩაგრულები არიან, ისინი უშედეგოდ იბრძვიან სიცოცხლისთვის. უილი არის მეამბოხე გეტოდან, მას უსამართლოდ ადანაშაულებენ მკვლელობაში, რომელიც ვითომ ჩაიდინა დროის მოპარვის მიზნით. უილი იძულებულია აიყვანოს მძევალი და გაიქცეს...
მეგი, მომხიბვლელი თავისუფალი სული, რომელიც არავის და არაფერს აძლევს უფლებას დაიმორჩილოს იგი, თავის გულისსწორს ჯეიმის შეხვდება. ულმობელი და გაუსაძლისი მომხიბვლელობა ჯეიმის ეხმარება, როგორც ქალებთან ურთიერთობაში, ასევე ფარმაცევტული გაყიდვების დაუნდობელ სამყაროში. მეგი და ჯეიმი გაოცებულები რჩებიან, როცა აღმოაჩენენ, რომ უძლიერესი ნარკოტიკის ზეგავლენის ქვეშ იმყოფებიან, და ამას სიყვარული ჰქვია...
1983 წელი. ელიო ჩვიდმეტი წლისაა და ზაფხულს ის ვილაზე მშობლებთან ატარებს, ამერიკელ პროფესორსა და იტალიელ თარჯიმანთან. ელიო ზაფხულის დღეებს პლიაჟზე სიარულში, მეგობარ გოგონასთან გართობაში, კითხვასა და კლასიკური მუსიკის მოსმენაში ატარებს. მის დასვენებას ოლივერის, ახალგაზრდა ამერიკელი მეცნიერის, მამამისის მეგობრის ჩამოსვლა დაარღვევს...
პიტერ ჰაიმენმა მთელი ამერიკა უნდა გადაიაროს ხუთ დღეში, რომ მოუსწროს მისი პირველი შვილის დაბადებას. თავიდან ყველაფერი ცუდად მიდის, მას საფულეს და ბარგს მოპარავენ და მისი ფრენაც გაუქმებულია. პიტერი საშინელ თავგადასავალში მოყვება, როდესაც იგი მსახიობ იტენ ტრემბლაისთან ერთად მანქანით მგზავრობაზე დათანხმდება...
სტივენ ჩბოსკის ბესტსელერის ეკრანიზაცია. ფილმში მოთხრობილია თინეიჯერთა საინტერესო ამბები, სიყვარული, შიში, იმედი ყველაფერი ეს დაუვიწყარს ხდის გარდატეხის ასაკს.
დაგ მაკრეი გამოცდილი ქურდია და მის გუნდის წევრებზე ბევრად ჭკვიანია, ახლა კი თამაშიდან გასვლა სურს, მაგრამ როდესაც საქმე ბანკის ფილიალის ახალგაზრდა მიმზიდველი მენეჯერის, კლერ კისის გატაცებას ეხება, იგი ისევ საქმეშია. ამ ქალთან ურთიერთობა საშიშროებას უქმნის დაგს და ფედერალური ბიუროს აგენტს ადამ ფროულის მისი გუნდის წევრების ვინაობის დადგენაში ეხმარება...
ისევე როგორც ბავშვების უმეტესობა მთელს მსოფლიოში, სანტიაგოც ოცნებობს გახდეს პროფესიონალი ფეხბურთელი. ის ლოს-ანჯელესში ცხოვრობს და ეს ყველაფერი მხოლოდ ოცნებაა. მაგრამ ერთ მშვენიერ დღეს მას მოულოდნელი შანსი ეძლევა ცხოვრებაში...
ყოფილი მასწავლებელი – დორა ფულს იმით შოულობს, რომ წერილებს წერს იმ ადამიანების მაგივრად, რომლებიც გამართულად ვერ წერენ, რომლებიც რიო-დე-ჟანეიროს ცენტრალურ სადგურზე ჩამოდიან. გულგრილი თავისი კლიენტების მიმართ, ის თითო წერილში 1 დოლარს იღებს, და კიდევ ერთს, თუ გაგზავნას სთხოვენ. 9 წლის ჟოზუე და მისი დედა ასევე სარგებლობენ დორას მომსახურეობით. ისინი მამას წერენ წერილებს. ჟოზეუს არასოდეს უნახავს მამა, მაგრამ ოცნებობს მასთან შეხვედრაზე. ერთხელაც ბიჭის დედა დაიღუპება და პატარა სრულიად მარტო დარჩება დიდ ქალაქში. დორა იფიქრებს, რომ ამ საქმიდან შეიძლება სარგებელი ნახოს და გადაწყვეტს მისი მამის პოვნას...
გაუმაძღარი უზარმაზარი თეთრი ზვიგენი ემიტი აილენდის მაცხოვრებლებს ატერორებს. ოკეანოლოგი, პოლიციის უფროსი და ზვიგენებზე მონადირე, ამ სისხლისმსმელი არსების დასამარცხებლად იბრძვიან...
ყველა იმსახურებს შანსს ოცნებას მიჰყვეს, მაგრამ ზოგიერთებს მხოლოდ ერთი შანსი ეძლევათ. ბალტიმორელი ტაილერ გეიჯი მეამბოხე სულისაა და არასწორი ცხოვრების სტილით ცხოვრობს. ერთადერთი, რის გამოც მისი ცხოვრება არ შედგა, მისი აუხდენელი ოცნებებია. ნორა კი წარმატებული ბალერინაა, რომელიც ბალტიმორში მერილენდის ხელოვნების ულტრაელიტარულ სკოლაში სწავლობს.
ზაფხულის არდადეგებზე ესპანეთში ყოფნისას, ორ მეგობარ გოგონას ერთიდაიგივე მხატვარი შეუყვარდება და არც კი ეჭვობენ, რომ სადაცაა მხატვრის ყოფილი მეუღლე გამოჩნდება, რომელთანაც მას მგზნებარე ურთიერთობა აკავშირებს...
მოქმედება 30-იანი წლების პარიზში ვითარდება. 12 წლის ობოლ ჰუგოს მამამისისგან მხოლოდ საიდუმლო მექანიზმი დარჩება, მის ასამოქმედებლად ფილმის გმირი გასაღებს ეძებს. იზაბელთან შეხვედრა მას აძლევს შესაძლებლობას იპოვოს გასაღები, მაგრამ ეს მხოლოდ თავგადასავალის დასაწყისია...
ოლივერ ასაიასი, გას ვან სენტი, უეს ქრეივენი და ალფონსო კუარონი იმ ოც გამორჩეულ რეჟისორთა რიცხვში არიან, რომლებმაც 18 სხვადასხვა ისტორიით პარიზის ცხოვრება ერთმანეთისგან განსხვავებული კუთხით დაგვანახეს...
ნიუ-იორკელი მწერალი, რომელიც ჟურნალში სექსის და სიყვარულის შესახებ სტატიებს წერს, საბოლოოდ მისი ოცნების მამაკაცს მისტერ ბიგს მიყვება ცოლად. მისი სამი განუყრელი მეგობრიდან ერთერთი, მისდაუნებურად "მისტერ ბიგ"-ს ქორწილის დღეს ქერის მიტოვებისკენ უბიძგებს...
ფილმში მოთხრობილია თუ როგორ გახდა ტეხასელი, როდეოს ჩემპიონი - ქრის კაილი აშშ-ს ისტორიაში ყველაზე შედეგიანი სნაიპერი. მან ცხელ წერტილებში 150 დადასტურებული ლიკვიდაცია მოახდინა...
მისი ბავშვობის სიყვარულის და საცოლის სიკვდილით გაგიჟებული ლეგენდარული შოტლანდიელი მებრძოლი უილიამ უოლასი ადგილობრივი ინგლისელი ლორდის ჯარისკაცებს მუსრს გაავლებს. ეს სოფელს ამბოხებამდე მიიყვანს და საბოლოოდ მთელი ქვეყანა ინგლისური მმართველობის წინააღმდეგ აჯანყდება.
უკვე ზრდასრული იუბილარი თავის ძველი დაბადების დღის ფირის მიმოხილვისას აღმოაჩენს საკუთარ თავს "რეალურად" ვიდეო ფირზე. ცნობისმოყვარეობით გაუმაძღარი მეგობრები იპოვნიან საიდუმლო მოწყობილობის ნახაზებს, რომელიც აღმოჩნდება დროის მანქანის მსგავსი...
2019 წლის ლოს-ანჯელესში, პენსიაზე გასულ რიკ დეკარდს გამოიწვევევენ, რათა მან დედამიწაზე დაბრუნებულ "რეპლიკანტებს" მიაგნოს. ისინი მათ შემქმნელს ეძებენ, რათა სიცოცხლე გაიხანგრძლივონ...
ვეტერანი მრბოლელის დახმარებით, ნიჭიერი მაგრამ გამოუცდელი კოულ თრიკლი თავადაც მრბოლელი ხდება. მას თავისი გუნდის წევრთან მუდმივი პაექრობა აქვს და როდესაც რბოლის დროს მათი მანქანები ერთმანეთს შეეჯახება, მისი კარიერა ეჭვის წვეშ დგება. შესაძლოა კოლი გამოჯანმრთელდეს და შიშსაც დაძლევს.
ჯეკი და მისი ოთხი და-ძმა პატარა პროვინციალური ქალაქის მახლობლად ცხოვრობენ. მიუხედავად ხალხის მახლობლად ცხოვრებისა, ბავშვები ამჯობინებენ არ იკონტაქტონ უცნობებთან. ბევრი ადგილობრივი მაცხოვრებელი ფიქრობს , რომ ისინი რაღაცას მალავენ. ქალაქის მაცხოვრებლებს შორის დადის ხმა, რომ სახლში რაღაც ბოროტება ხდება. მალე ირკვევა, რომ ჭორები მართალია. მათ ცოტა ხნის წინ დედა გარდაეცვალათ და თუ ამის შესახებ ინფორმაცია გავრცელდება, ბავშვებს ერთმანეთს დააშორებენ. ბავშვები ფიქრობენ რომ სრულწლოვანებამდე შეინახავენ საიდუმლოს, მაგრამ თავად ჯეკი ვერ შეძლებს დაიცვას თავი გოგონას სიყვარულისაგან, რომელიც მეზობლად ცხოვრობს...
ნამდვილ ამბავზე დაფუძნებული სპორტული დრამა, სამი ნიგერიელ-ბერძენი ძმის პროფესიონალურ კალათბურთში აღზევების შესახებ. უკეთესი ცხოვრების ძიებაში, მათი მშობლები ვერა და ჩარლზი ნიგერიიდან საბერძნეთში გადავლენ, სადაც ისინი ბევრს მუშაობდნენ, რათა უზრუნველყოთ მათი ხუთი შვილი იმ დროს, როცა დეპორტაციის რეალობა საფრთხეს უქმნიდა შვილების ოცნებებს. იმისთვის, რომ გადასახადები გადაიხადონ, ოჯახი ერთად მუშაობს და ტურისტებზე ყიდის სუვენირებს ათენში. როდესაც შესაძლებლობა ჩნდება, ძმები თავიანთ იმედგაცრუებას გამოხატავენ კალათბურთის მოედნებზე. მაგრამ სწრაფად ხვდებიან, რომ მიუხედავად იმისა, რომ სპორტში გამოცდილება არ აქვთ, ბუნებით ისინი ნიჭიერი მოთამაშეები არიან. საბოლოოდ, აგენტის დახმარებით ახალგაზრდა გმირები გადაწყვეტენ კარიერის გაგრძელებას NBA-ში...
მაიკლ უიტერბოტომსის "9 სიმღერა" ეს არის ფილმი ახალგაზრდა წყვილის მეტის და ლიზას შესახებ, რომელთა ურთიერთობა პოპულარული ბრიტანული ინდი ბენდების 9 კონცერტის ჩატარების განმავლობაში გრძელდებოდა...
სარა დესენის ამავე სახელწოდების თინეიჯერულ რომანზე დაფუძნებული რომანტიკული დრამა, ახალგაზრდა გოგონას ოდენის შესახებ, რომელიც კოლეჯში წასვლამდე ზაფხულში იდუმალ ბიჭს ილაის ხვდება, რომლესაც უძილობა აწუხებს, და ის გოგონას ღამის მეგზური ხდება. სანამ ზღვისპირა ქალაქ კოლბის სძინავს, ისინი ერთად ღამის მოგზაურობაში მიდიან, რათა დაეხმაროს ოდენს განიცადოს მხიარული და უდარდელი თინეიჯერული ცხოვრება, რომელიც არასოდეს იცოდა, რომ სურდა. ახლა, ზაფხულის ღამეების გაუთავებელი მარაგით, მათ შორის თითქმის ყველაფერი შეიძლება მოხდეს…
ციხეში მყოფი მისი ძმის სიცოცხლის გადასარჩენად, სატვირთოს მძღოლი სალი უხალისოდ თანახმდება გადაიტანოს კონტრაბანდული ტვირთი – გოგონა სახელად ლეილა. როდესაც ისინი იწყებენ სახიფათო მოგზაურობას შტატების საზღვრებთან, FBI-ის შეუპოვარი ოპერმუშაკი მათ კვალს მიჰყვება, რომელიც ახლა ყელაფერს გააკეთებს, რათა შეაჩეროს ადამიანებით ვაჭრობის ოპერაცია და სალი და ლეილა უსაფრთხო ადგილას მიიყვანოს...
18 წლის რომ გახდა მისი სახელი ყველას პირზე ეკერა. 26 წლის ასაკში, კი მისი სახელი გარდაცვალების მოწმობაში ჩაიწერა. 70-იან წლებში ამ ქალს მსოფლიო პოდიუმის დედოფალს ეძახდნენ. მანამდე კი, ჯია კარანჯი ჩვეულებრივი გოგონა იყო, რომელიც პატარა კაფეში ჭურჭლის მრეცხავად მუშაობდა. მის დაბადებასა და სიკვდილს შორის იყო მხოლოდ მოკლე სიცოცხლის ამოსუნთქვა, რამაც ყველაფერი ერთად მოუვლინა: აღმაფრენა, დაცემა, გატეხილი სიყვარული, სახელი, ფული, ნარკოტიკები...
ბარი იგანუს მაგრად არ გაუმართლა. იყო მერვე შვილი ოჯახში სადაც დანარჩენი შვილები გოგოები არიან. ასეთი ბედი სუსტი ნებისყოფიანებისთვის არ არის. ბარი უკვე 30 წელს გადაცილებულია, მაგრამ ჯერაც არ შეუძლია ადამიანებთან ნორმალური ურთიერთობა, განსაკუთრებით კი ქალებთან...
ჩვეულებრივ, ყველა დანაშაულს აქვს თავისი მოტივი და თუკი საქმე ამოცნობის პროცედურამდე მივიდა, ესე იგი არსებობს თუნდაც ერთი ეჭვმიტანილი, მაგრამ ამჯერად ჩვენს წინაშეა არაჩვეულებრივი დანაშაული...
