მამაკაცს შეუყვარდება ქალი რომელსაც სიყვარულის არ სჯერა. ტომი არქიტექტორია, რომელიც ცხოვრებისთვის სამყოფ ფულს მისალოცი ბარათების წერით გამოიმუშავებს. იგი მისი უფროსის ახალ ასისტენტს, ულამაზეს სამერს შეხვდება და მალე აღმოაჩენს, რომ მათ, მიუხედავად იმისა, რომ ერთი შეხედვით ეს არ ჩანს, ძალიან ბევრი აქვთ საერთო. ტომის მონათესავე სულების არსებობის თეორიის სწამს და სჯერა, რომ ბოლოს და ბოლოს იპოვა ის, ვინც სჭირდებოდა. მის საუბედუროდ სამერს სიყვარული მხოლოდ ზღაპრად მიაჩნია და არ ეძებს არანაირ რომანტიკას. ახლა ტომმა ყველაფერი უნდა გააკეთოს იმისთვის, რომ დააჯეროს სამერს ნამდვილი სიყვარულის არსებობა...
ფრიდა კალო იყო 20 წლის, როდესაც ცოლად გაჰყვა მექსიკის ყველაზე ცნობილ მხატვარს დიეგო რივერას, არც ისე ახალგაზრდას, მდიდარს და გარყვნილს. გავა მხოლოდ რამოდენიმე წელიწადი, და ფრიდა პარიზს დაიპყრობს, როკფელერთან სკანდალზე კი ყველა ამერიკული გაზეთი დაწერს!
კრის ნელსონი კვდება და მისი სამოთხე უფრო გამაოგნებელია ვიდრე მას წარმოედგინა. ახლა მას მხოლოდ ერთი რამ აკლია: ცოლი. კრისის სიკვდილის შემდეგ მისმა ცოლმა თავი მოიკლა და ამისათვის ჯოჯოხეთში აღმოჩნდა. მიუხედავად იმისა, რომ მისი შანსი ძალიან მცირეა იგი უარს ამბობს სამუდამო სიმშვიდეზე და ცოლის დასაბრუნებლად ქვესკნელში ჩადის...
მამის სიკვდილის შემდეგ, რომელიც მისმა დამხმარემ ტომ ჩეინიმ მოკლა, 14 წლის მეტი როსი მკვლელის დაჭერას თავად გადაწყვეტს. დასახმარებლად იგი ამერიკელ მარშალს დაიქირავებს - მტკიცე სულის ადამიანს, რობენ ჯეი რუსტერ კოგბურნს. მისი სურვილის წინააღმდეგ, გოგონა მაინც გაჰყვება მას ინდიელების მხარეში ჩეინის მოსაძებნად. მათ ტეხასელი რეინჯერი ლაბაფი შეუერთდებათ, რომელსაც საკუთარი მიზნები ამოძრავებს. ერთმანეთისგან აბსოლუტურად განსხვავებული სამეული მრავალ ხიფათსა და თავგადასავალში ეხვევა, სამივეს თავისი "სულის სიმტკიცის" გამოცდა უწევს...
ჰენრი ჰილი დამწყები განგსტერია, რომელიც ორ მასზე უფრო ამბიციურ განგსტერთან, ჯიმი კონვეისა და ტომი დე ვიტოსთან ერთად ყაჩაღობაში მონაწილეობს. ჰენრის ამ ორმა პარტნიორმა ყველა ამ საქმეში მონაწილე დახოცა და ნელნელა მაფიის იერარქიულ კიბეზე აღმასვლა დაიწყო. გახდება თუ არა ჰენრი მათი დაცემის მიზეზი?
მეოჯახე სარა თავის უინტერესო მეზობლებს უყურებს როგორც სოციოლოგიურ ტიპებს და არა როგორც თანასწორებს. ბავშვების სათამაშო მოედანზე ის შემთხვევით ასეთივე ყველასგან გამორჩეულ ადამიანს ხვდება. თანდათან მათი ურთიერთობა ისეთივე დაუფიქრებელი ხდება, როგორიც მათ გარშემო მყოფი ბავშვების არის.
ახალგაზრდა, მაგრამ წარმატებული მწერალი განიცდის შემოქმედებით და სულიერ ტანჯვას. ახალი რომანი არ გამოდის, მუზა არ მოდის და საერთოდ არც გოგონებთან ურთიერთობაში უმართლებს. იგი მთელს დარჩენილ ფანტაზიას მოიკრებს და წარმოსახვაში შექმნის გოგონას, რუბი სპაკს - ფრიადოსანს, ლამაზს, სპოტსმენს. ერთი სიტყვით იდეალურ გოგონას. ერთი კვირის შემდეგ იგი ზუსტად ესეთ გოგონას საკუთარ დივანზე აღმოაჩენს...
ბიჭუნა ტოდ ბოვდენი აღმოაჩენს, რომ მისი მეზობელი არტურ დენკერი - სასტიკი ნაცისტი და დამნაშავეა, რომელმაც შესძლო სამართალისგან გაქცევა. თავისი სიჩუმის ფასად მოზარდი ითხოვს, რომ მოხუცმა მას საიდუმლოები გაუხსნას და მოუყვეს მეორე მსოფლიო ომისა და საკონცენტრაციო ბანაკების ისტორიები.
ახალგაზრდა ამერიკელი მორინი, პოპულარულ ადამიანებს ეხმარება პირადი გარდერობის შერჩევაში. მისი სამუშაო ერთი შეხედვით საოცნებოა, მაგრამ ყველაფერს მისი ნიჭი, მოჩვენებებთან საუბრის უნარი ართულებს.
ნიკოლას ვონ ორტონი - თავად წარმატების განსახიერებაა. ის გაწონასწორებული ადამიანია და ყოველთვის აკონტროლებს სიტუაციას. დაბადების დღეზე უცნაურ საჩუქარს იღებს - ბილეთს "თამაშში" მონაწილეობისთვის. მას პირდებიან, რომ თამაში მკვეთრ შერგძნებებს დაუბრუნებს, საშუალებას მისცემს შეიგრძნოს სიცოცხლის გემო. თამაშში ჩართული, ნიკოლასი ხვდება, რომ ეს თამაში სასიკვდილოა...
როცა დაუნდობელი სიკვდილი ბილ ფერიშის სულს მოაკითხავს, შესთავაზებს სიცოცხლის რამდენიმე დღის სანაცვლოდ ბილმა მასპინძლობა გაუწიოს. ფერიში თანხმდება, და ჯო ბლექის სახელს ამოფარებული სიკვდილი მონაწილეობას იღებს ბილის ყოველდღიურ ცხოვრებაში. მას ბილის ქალიშვილი შეუყვარდება, თუმცა, ბლექის შვებულება მთავრდება, ისევე როგორც ფერიშის სიცოცხლე...
ყოფილი სამხედრო ნიკ ესკალანტე ლას-ვეგასში დაცვად მუშაობს. ის ფულის მოგროვებასა და ვენეციაში წასვლაზე ოცნებობს, მაგრამ ოცნების ქალაქში წასვლის გეგმები გადაიდება, როცა ნიკი გადაწყვეტს დაეხმაროს მეძავ ჰოლის, რომელზეც მსხვილი განგსტერის შვილი მუდმივად ძალადობს.
2002 წელს რიჩარდ ლინკლეიტერმა დაიწყო თავისი პროექტი. მან დაიწყო სიუჟეტის გადაღება ერთ, უბრალო ოჯახზე, მაგრამ გადაღებები ამ ოჯახის ცხოვრებისა გაგრძელდა 12 წელი. ჩვენ ახლა გვაქვს უნიკალური შანსი ვიხილოთ ამ ოჯახის მთელი ცხოვრება და შევიხედოთ მათ საიდუმლო გამოცდილებაში, შევადაროთ, როგორ იცვლება ამ პერიოდში ჩვენი სამყარო...
ტომ ტაიკერის და ვაჩოვსკების მიერ გადაღებული ფილმი. 6 განსხვავებული ისტორია, რომელიც ხდება დროის სხვადასხვა პერიოდში, მე-19 საუკუნიდან დაწყებული პოსტ-აპოკალიპტური მომავლის ჩათვლით. ექშენი, მისტიკა და რომანტიკა ერთსულოვნად შერწყმული, სადაც მკვლელი შეიძლება გმირად მოგვევლინოს, პატარა სიკეთე კი საუკუნეების შემდეგ რევოლუციურ ცვლილებებს იწვევდეს...
ცნობილი მწერალი გადაწყვეტს საკუთარი თვალებით დარწმუნდეს იმქვეყნიური ცხოვრების არსებობაში სასტუმრო "დელფინის" ცუდი რეპუტაციით განთქმულ ნომერში 1408.
ცენტრალური სადაზვერვო სააგენტოდან დათხოვნილი ოფიცერის მემუარები სპორტულ დარბაზში მომუშავე ორ ჭკუასუსტ ადამიანს ჩაუვარდება ხელში. ისინი მათ გამოყენებას ცდილობენ.
ნოველისტი პოლ შელდონი კოლორადოს გზატკეცილზე ავარიაში მოყვება. მას პოლის წიგნის გმირის - მიზერი ჩესტეინის "პირველი გულშემატკივარი" ენი უილკსი იპოვნის. ენი ფსიქიურად არამდგრადი პიროვნება აღმოჩნდება, პოლს დაასახიჩრებს და წამლების ზემოქმედების ქვეშ ჰყავს.
წყვილი, რომელიც შვილის სიკვდილს განიცდის, სულის სიმშვიდის მოსაპოვებლად, საცხოვრებლად ტყეში მდგარ სახლში გადადის. ამ წუთიდან ახალგაზრდების ცხოვრებაში კოშმარული მოვლენები ხდება...
ერაყის ომის სამი ვეტერანის ისტორია, რომლებსაც ამერიკაში დაბრუნების შემდეგ საზოგადოებაში დაბურნება არ შეუძლიათ. ისინი აღმოაჩენენ, რომ მათ მოგონებებს საკუთარ კედლებშიც კი შეუძლიათ მათი დაღუპვა.
მამინაცვალი ახალგაზრდა გოგოს საგიჟეთში გამოკეტავს, 5 დღეში გოგონას ლობოტომია უნდა ჩაუტარონ. ბეიბი დოლი სხვა 4 გოგოსთან ერთად ცდილობს საკუთარი წარმოსახვის დახმარებით ფსიქიატრიულიდან გაქცევას, მანამ სანამ გვიანი არ იქნება.
კიბორგი თავიდან ყვება უკრაინის ისტორიას – 2014 წლის ლეგენდარული ბრძოლაზე დონეცკში, რუსეთის შემოჭრის პერიოდში. თავისუფლებისთვის მებრძოლებმა უკრაინული არმიის სხვადასხვა დანაყოფებიდან და ასევე მოხალისე მებრძოლებმა, 242 დღიანი შეტევა განახორციელეს რუსეთის მდარდამჭერი ბოევიკების წინააღმდეგ, სანამ აეროპორტის ტერმინალი სრულიად არ განადგურდა.
ლამაზმანი ლორა ბერნი, ქმრის მარტინის ეჭვიანობისგან და აგრესიულობისგან სიგიჟის ზღვრამდეა მისული. მან არ იცის როგორ გაექცეს ქორწინებას, რომელიც მისთვის წამებად იქცა. ის სარისკო ინტრიგას გეგმაქვს... გადაწყვეტილებას მიიღებს საკუთარი სიკვდილი გაითამაშოს...
1950-იანი წლების ტეხასი, ოჯახი რომლის ისტორიაც გადმოცემულია უფროსი ვაჟის ჯეკის თვალსაწიერიდან. სიცოცხლე, სიკვდილი, სიყვარული, სიძულვილი - ყველაფერი ამის გააზრება და საკუთარ თავთან შეგუება უწევთ ფილმის გმირებს.
ფილმს მაყურებელი გადაჰყავს მოშორებულ სასტუმროში, სადაც ჯეკ ტორენსმა, მისმა ცოლმა და ვაჟმა ზამთარში უნდა იცხოვრონ. ყველა დროის ერთ-ერთი ყველაზე საშიში ფილმი რეალობას ისე აურევს, რომ იზოლაციაში ყოფნას ფსიქოლოგიურ კოშმარად აქცევს...
უილიამ შექსპირის უკვდავი ნაწარმოების ეკრანიზაცია. სურათში მოქმედება მაკბეტის გარშემო ვითარდება. იგი ცბიერი შოტლანდიელი ლორდია, რომელიც არაფრის წინაშე არ დაიხევს უკან, რათა გახდეს მეფე…
ამბავი ეხება ნამდვილი მსოფლიოს რელიგიურ კულტებს და მასობრივ სუიციდს. იწყება 30 წლის წინ, როცა რელიგიური კულტის წევრები სამოთხის ვუალად ცნობილნი ისაკუთრებენ საკუთარ ცხოვრებას. სიმართლე დამარხულია ღრმად ერთადერთი გადარჩენილის მეხსიერებაში. 5 წლის გოგონა, რომელიც ბრუნდება გუნდთან ერთად უკვე მოზარდია. ისინი მალე აღმოაჩენენ რაღაცას, რაც უფრო საშიშია, ვიდრე ყველაფერი რისი წარმოდგენაც შეუძლიათ...
ყველამ იცის, რომ თქვენი ცხოვრება ისტორიაა, მაგრამ თუ ისტორია თქვენი ცხოვრებაა? ჰაროლდ კრიკი აღმოაჩენს, რომ რომანის პერსონაჟია. ის ცდილობს იპოვოს ავტორი და დაარწმუნოს იგი შეცვალოს დასასრული...
ბერძენი გენერალი თემისტოკლე ცდილობს, რომ მთელი საბერძნეთი გააერთიანოს და იპყრობს სპარსულ ძალებს, რითაც უპირისპირდება არტემისას და შურისმაძიებელ სპარსელების მეთაურს ქსერქსეს...
ფილმის მოქმედება ხდება გასული საუკუნის 50-იან წლებში. პროვინციალურ ქალაქში განათლებული და მოწესრიგებული ოჯახი ცხოვრობს. ერთ დღეს სახლში უცხო დამიანი შეიჭრება და ქალს მოკლავს. ნიკი დედის გარეშე რჩება. მეორე დღესვე ოჯახში გარდაცვლილის და ჩამოდის რომელიც ცდილობს დაეხმაროს ოჯახს ტრაგედიის გადატანაში. დროთა განმავლობასი ნიკი მამას უცნაურ ქმედებებს ამჩნევს და უნდა გაერკვეს რა ხდება...
ცნობილი მსახიობის ოჯახში უბედურება დაისადგურებს – მისი არასრულწლოვანი ქალიშვილი არაადეკვატურად დაიწყებს მოქცევას. ექიმები ფსიქიკურ დაავადებას ეჭვობენ და დიაგნოზს ვერ უსვამენ. სპეციალურად მოწვეული მღვდელი კი ფიქრობს, რომ გოგონა ეშმაკითაა შებყრობილი.
მაკკენის ჩხუბისთავი და თავზე ხელაღებული ბანდის წევრები დასდევენ ჰემს, რომელსაც უნდა დაშორდეს და დაიწყოს ახალი ცხოვრება. ის თავისი ლამაზი ცოლის ჯეინის რანჩოში იმალება. ჯეინი დასახმარებლად მიმართავს იმ ადამიანს ვისი დანახვაც ყველაზე ნაკლებად უნდა (თავის ყოფილ საყვარელს). ჯეინმა უნდა დაივიწყოს წარსული, უნდა გახდეს ძლიერი და უკომპრომისო, რომ გადაარჩინოს ოჯახი...
საცოლის მკვლელობის შემდეგ, მიტჩ რაპი ცივი ომის ვეტერანი სტან ჰარლის ინსტრუქციით ვარჯიშს იწყებს. ისინი შემდგომში იძიებენ აშკარა და შემთხვევითი თავდასხმების ტალღს სამოქალაქო და სამხედრო სექტორზე...
მაკედონიის მეფე ალექსანდრე, თავის ლეგიონს სპარსეთის იმპერიისკენ მიუძღვება. სპარსელთა ჯარის დამარცხების შემდეგ ის თავის მეომრებს მაშინდელი მსოფლიოს გავლით ინდოეთამდე მიიყვანს.
ფილმი მოგვითხრობს კონორის ისტორიაზე, რომელსაც უკიდეგანო ფანტაზია აქვს. ღამით, როდესაც ყველა იძინებს ხე მის ფანჯარასთან ცოცხლდება და მონსტრად გადაიქცევა, რომელიც ისტორიებს უყვება...
ფილმის სიუჟეტი ვითარდება ძველი დროის ჩინეთში დინასტია იუანის მმართველობის დროს. რომაელი მეთაური ლუციუსი აღმოჩნდება ჩინეთის ტერიტორიაზე. ამავე დროს დასავლეთის ჰო ანის დაცვის მეთაური ღალატის შედეგად გახდება მონა. ზუსტად ამ ორ მეომარს მოუწევს შეხვედრა დასავლეთის უდაბნოში, სადაც განვითარდება ეპიკური ბრძოლა.
ანჟელა გრეის საქმის გამოძიების დროს, დეტექტივი ბრიუს კინერი მიმართავს ფსიქოლოგს, ანჟელას მივიწყებული მოგონებების გასახსენებლად. რეგრესიული გიპნოზის ჩატარების დროს გამოვლინდება საშინელი ფაქტები - ღამის საათებში მამის თანხმობით გოგონაზე ტარდებოდა სატანური რიტუალები. იმის გამო, რომ დეტექტივის სურვილია დაიცვას გოგონა გასაიდუმლოებული ბოროტული გაერთიანებისგან, ის ჩათრეული იქნა საშინელ ოკულიზმის სამყაროში. ის, რაც ეწინაამღდეგება მას, ჭეშმარიტების ზღვარს მიღმაა...
სერ ლოურენს ოლივერი იღებს ფილმს ლონდონში. ახალგაზრდა კოლინ კლარკი - სტუდენტი კინორეჟისურის ფაკულტეტზე, ცდილობს ჩაერთოს გადაღების პროცესში. ფილმში ნაჩვენებია მერლინ მონროს და სერ ლოურენს ოლივიეს მუშაობა ფილმზე "პრინცი და მოცეკვავე".
ოჯახური ტრაგედიის შემდეგ ახალგაზრდა ქალი იხიბლება მისტიკური უცნობი მამაკაცით, რომელიც ცხოვრობს ყველასათვის საშიშ სახლში. სახლზე უამრავი ლეგენდაა გავრცელებული, რომლებსაც აქამდე არ სძინავთ...
მერი და მისი მეგობარი კოლინვუდის ტბისკენ მიმავალ გზაზე ჩერდებიან, სადაც გაქცეული დამნაშავისა და მისი გუნდის ბრჭყალებში აღმოჩნდებიან. მერი ახლოს მცხოვრებ მშობლებთან გარბის. საიმედო სამალავის მაძიებელ დამნაშავეებსაც სწორედ მათი სახლი იზიდავთ.
დეტექტივი ერიკ მაისონი, ბუნების წიაღში მომხდარი სისხლიანი ინციდენტის ადგილს იკვლევს. ის ხვდება, რომ ეს სისასტიკე გრიზლიმ კი არა ადამიანმა ჩაიდინა და ეს ადამიანი სერიული მკვლელია, ზედმეტსახელად "ხერხი".
ჩარლი ჩაპლინი ორ პერსონაჟს ასრულებს ფილმში, ებრაელი დალაქის და დიდი დიქტატორის ჰინკელის (იგივე ადოლფ ჰიტლერი). ფილმი კიდევ ერთხელ ნათლად წარმოაჩენს ჩაპლინის გენიას.
ამბიციური ადამიანების იმედები და ოცნებები მაშინ ინგრევა, როდესაც ისინი ნარკოტიკებზე დამოკიდებულები ხდებიან. ფილმი გვაჩვენებს თუ როგორ ანგრევს ადამიანს გონებრივად და ფიზიკურად ნარკოტიკებზე მიჯაჭვულობა.
ფილმი "სახიფათო კავშირები" შოდერლო დე ლა კლოს თხზულების მიხედვითაა გადაღებული და მოქმედება მე-18–ე საუკუნეში ვითარდება. მარკიზა დე მერტელი ვიკონტ დე ვალმონს სთხოვს მისი ყოფილი საყვარლის საცოლე შეაცდინოს, სამაგიეროდ კი მასთან ღამის გატარებას ჰპირდება. თავდაპირველად ყველაფერი გეგმის მიხედვით მიდის და სასიყვარული სამკუთხედიც იკვრება.
ფილმში მოთხრობილია რონ ვუდრუფის რეალური ამბავი, ის ტეხასელი ელექტრიკი იყო, რომელსაც 1986 წელს შიდსი დაუდგინეს. ექიმებმა უთხრეს, რომ 6 თვე ქონდა დარჩენილი, თუმცა რონი არ შეეგუა სასიკვდილო განაჩენს და ალტერნატიული მეთოდებით დაიწყო მკურნალობა, მან საგრძნობლად გაიხანგრძლივა სიცოცხლე და ბიზნესიც კი ააწყო, დაიწყო რა მედიკამენტის, რომელსაც თავად იღებდა სხვა პაციენტებზე გაყიდვა.
ფილმი მოგვითხრობს უფროსკლასელის ისტორიას, რომელმაც ერთი წელი გაატარა საკრამენტოში. მთავარი გმირი ცდილობს გაიქცეს მისი პატარა მშობლიური ქალაქიდან, მისი უფროსი ნახევარძმის დახმარებით...
ეს არის ბიოგრაფიული ფილმი აშშ-ს მეთექვსმეტე პრეზიდენტის აბრაამ ლინკოლნის შესახებ, რომელმაც ფასდაუდებელი წვლილი შეიტანა ჩრდილოეთელების გამარჯვებაში სამოქალაქო ომის დროს.
ტეხასის პატარა ქალაქის მაცხოვრებლებს მომთმენი და დაფიქრებული შერიფის მოადგილის, ლუ ფორდის იმედი აქვთ. ზოგს მიაჩნია, რომ იგი ზედმეტად ნელი და მოსაწყენია, მაგრამ სხვა ცუდ მხარეს მას ვერ გამოუძებნი. სინამდვილეში არავინ იცის ლუს ნამდვილი "დაავადების შესახებ. ყველასგან ფარულად იგი სოციოპატი სადისტია.
ფილმის მთავარი გმირი – უდარდელი, უპასუხისმგებლო და მექალთანე სამუელი, რომლის ცხოვრება ერთ მშვენიერ დღეს რადიკალურად შეიცვლება, როდესაც მისი ერთ-ერთ ყოფილი საყვარელი ქრისტინე, მას ჩანთას და მის პატარა ქალიშვილს დაუტოვებს.
