კარისთვის და კორმასისთვის ინგრიდიენტების ყიდვის დროს, სან–ფრანცისკოს გარეუბანში მდებარე სუნელების მაღაზიის კლიენტები შეიძენენ რაღაცას ბევრად უფრო ფასეულს – სანუკვარი სურვილების ასრულებაში დახმარებას. ინდიელი ლამაზმანი ტილო, მაღაზიის მეპატრონე, მაგიური ნიჭითაა დაჯილდოვებული, მას ადამიანების წარსულის და მომავლის დანახვა შეუძლია და მათ ბედისწერის შეცვლა, განსაკუთრებული სუნელების შერჩევით. მაგიური ნიჭის შესანარჩუნებლად, ტილო სამ მკაცრ წესს იცავს: არასოდეს ტოვებს მაღაზიას, არ ეკარება ადამიანებს და მხოლოდ ბალახებს ემსახურება. ანუ მას არანაირი პირადი ცხოვრება არააქვს. მაგრამ ერთხელაც მომხიბვლელი არქიტექტორი მისი მაღაზიის კარებთან ავარიაში მოყვება. ამ დღიდან მისი ცხოვრება სამუდამოდ იცვლება. ის ვერ ეწინააღმდეგება გრძნობებს და ყველა წესს დაარღვევს.
1937 წელს, ქალაქ ნანკინში იაპონელი დამპყრობლები შევიდნენ. ბევრმა ჯარისკაცმა დატოვა ქალაქი, მაგრამ ვისაც დანებება არ სურდა, დარჩა და მტერს წინააღმდეგობა გაუწია. ასობით ათასი ადამიანი დაიღუპა, ნანკინი კი სიკვდილის ქალაქად გადაიქცა. მხოლოდ ერთი უსაფრთხო ზონაა ქალაქში. ეს არის ქალთა სკოლა ცზინლინი, სადაც ჩინელმა ქალებმა მამაკაცები შეიფარეს...
ყოფილი საზღვაო ქვეითი ბობ ლი სვაგერი, პროფესიონალი სნაიპერია, რომელიც უკვე სამი წელია რაც გადამდგარია. თავისი ნების წინააღმდეგ ის ამერიკის პრეზიდენტის მკვლელობის ორგანიზებაში აღმოჩნდა ჩათრეული. ახლა ის უნდა გაიქცეს, რათა თავისი უდანაშაულობის დასამტკიცებლად ნამდვილი მკვლელი იპოვოს და გაარკვიოს ვინ დგას ამ საქმის უკან.
მეხუთე კლასელის ჯესსა აირონის იმედები გახდეს ყველაზე სწრაფი მორბენალი დაიმსხვრა იმის მერე, რაც ახალმა მოსწავლემ ლესლი ბერკმა გაიმარჯვა შეჯიბრებებზე. მიზეზები იმისთვის, რომ ერთმანეთის მიმართ მტრულად განეწონ არ გამოილევა, და ყველაფრის მიუხედავათ ისინი დამეგობრებას ახერხებენ. როგორ არ უნდა დამეგობრდნენ, თუ ტყეში ნაპოვნ ჯადოსნურ სამეფოში მეფე-დედოფლად უწევთ ყოფნა...
ლი და ბესი დები არიან. ისინი ერთმანეთს საერთოდ არ გვანან. ბესიმ თავი მიუძღვნა სხვებს. ლიმ კი თავისი ფეთქებადი ხასიათის გამო ჩვიდმეტი წლის შვილთანაც კი დაკარგა საერთო ენა.
მამაკაცი, რომელიც 9/11-ის ტერორისტული თავდასხმის შედეგად ოჯახს კარგავს, კოლეჯის ძველ მეგობარს შეხვდება და ეს განახლებული მეგობრობა მისცემს ძალას, ახლობლების დაკარგვით გამოწვეული ტკივილი გადაიტანოს.
შუა თვითმფრინავში ტრაილერი იწვის. შეყვარებული წყვილის გვამებია ნაპოვნი. ამ შემზარავ მოვლენამდე და მის შემდეგ ნაჩვენები ოჯახური სცენები და უცნაური კავშირი მათ შორის. რა არის მათი საიდუმლო?
მთავარი გმირის დედა ავადაა, მამა ციხეში ზის. ამ მდგომარეობაში რის და მის უმცროს და-ძმას ძლივს გააქვთ თავი. მალევე რი იგებს, რომ მამა გაათავისუფლეს ციხიდან, მაგრამ იგი სადღაც გაქრა. ადგილობრივი შერიფი მოდის გოგონასთან და ეუბნება, რომ მამას ფული აქვს შესატანი სასამართლოში და თუ ამ ფულს არ გადაიხდის მათ სახლს წაართმევენ. რი მამის მოსაძებნად მიდის.
უორენ შმიდტის ისტორია, რომელიც სადაზღვეო კომპანიაში მუშაობს. როდესაც ის დამსახურებულ პენსიაზე გადის, იწყებს თავისი განვლილი ცხოვრების გაანალიზებას - შეძლო თუ არა ყველა ოცნების ასრულება კარიერაში, ქორწინებასა და ოჯახურ ცხოვრებაში. უორენს ქალიშვილი თითქმის არ ეკონტაქტება, ცხოვრობს დენვერში და გათხოვებას აპირებს ადამიანზე, რომელიც მამას არ მოსწონს. და როგორ უნდა მოიქცეს მამა? შმიდტი მთელი ქვეყნის გავლით ქორწინების შესაჩერებლად მიემართება. ყველაფერთან ერთად მან შესაძლოა საკუთარი ცხოვრების აზრიც იპოვოს...
ნებისმიერმა დედამ, თავის ქალიშვილზე უკეთესად იცის, რა არის საჭირო მისი ბედნიერებისთვის. ავრორა გრინუეის, ძალიან უყვარს თავისი ქალიშვილი ემა, მაგრამ ყოველთვის არ ამჟღავნებს ამას. იმის შემდეგ, რაც ავრორა დაქვრივდა, მას მოუწია ბავშვის აღზრდა დამოუკიდებლად. გავიდა წლები, გოგონა გაიზარდა, გათხოვდა და გაფრინდა მშობლიური ბუდიდან. ახლა, როდესაც ავრორა მარტო დარჩა, დროა პირად ცხოვრებაზეც იფიქროს...
ჟურნალისტი დევიდ ლოკი ჩადის ჩრდილოეთ საჰარაში მასალების შესაგროვებლად, მაგრამ სამუშაო არ მისდის. მომდევნო რთული–ცხელი დღე უსიამოვნო სიურპრიზს მოუტანს: კვდება მამაკაცი, რომელიც ცხოვრობს მეზობელ ნომერში. ლოკი მოულოდნელ გადაწყვეტილებას მიიღებს: ის წაიღებს გარდაცვლილის ტანსაცმელს, პასპორტში სურათებს ადგილებით შეცვლის და მიემგზავრება...
ჰიპი მოტოციკლისტები ამერიკაში მოგზაურობენ, ეწევიან მარიხუანას, სვავენ და ათას სისულელეზე საუბრობენ. 60-იანი წლების საკულტო ფილმი. ლასლო კოვაჩის საუკეთესო საოპერატორო ნამუშევარი და შესანიშნავი საუნდტრეკი როკ-ლეგენდების შესრულებით...
პატარა პროვინციულ ქალაქში, სადაც კორუფცია და უკანონობა მეფობს, ცხრა ახალგაზრდა, ამბიციური სამურაი ცდილობს წესრიგი დაამყაროს. მოულოდნელად მათ არსაიდან მოსული სამურაი ეხმარება, რომელიც სამაგიეროდ არაფერს ითხოვს...
ატლანტაში, მდიდარ კვარტალში, ცხოვრობს ასაკოვანი ქალბატონი – მის დეიზი. მას თავად უჭირს უკვე მანქანის ტარება, და შვილი გამოუგზავნის მძოღლს – შავკანიან ჰოუკ კოლბერნს. მალე ახალი მძღოლი პატრონის უახლოესი მეგობარი და მრჩეველი გახდება, რაც მეზობლების გაღიზიანებას გამოიწვევს, რომლებიც მტრულად არიან განწყობილები შავკანიანების მიმართ...
პარიზი - სიყვარულის, თავისუფლების და უდარდელი ცხოვრების ქალაქი. ყველა ოცნებობს ცხოვრებაში თუნდაც ერთხელ ნახოს ეიფელის კოშკი ან სენას სანაპიროზე დააგემოვნოს ახლადგამომცხვარი კრუასანი. საფრანგეთის დედაქალაქი მთელი მსოფლიოდან იზიდავს ტურისტებს თავისი სიმსუბუქით, მაგრამ აქაური მაცხოვრებლები სხვა კუთხითაც ხედავენ მას...
ამპარტავანი, ეგოცენტრული რეჟისორი გვიდო კონტინი ძალღონეს არ იშურებს, რათა მისი უკანასკნელი ფილმის შინაარსი, ძირითადი აზრი და სცენარი მოიფიქროს. გადაღებების დაწყებამდე მხოლოდ ერთი კვირაღა დარჩა, გვიდო კი კვლავ სასოწარკვეთილი ითხოვს დახმარებას და აღმაფრენას საკუთარი ცოლისგან, საყვარლისგან, მუზისგან და დედისგან...
ფილმი, რომელიც დაფუძნებულია კეიტ დიკამილოს ბესტსელერზე, მოგვითხრობს მარტოსული გოგონას ამბავს, რომელმაც სახლში უსახლკარო ძაღლი - ვინ დიქსი შეიფარა. ძაღლის გამოჩენა სახლში მამას ეხმარება თავის ქალიშვილთან ურთიერთობის აწყობაში, ასევე ნელ-ნელა ცვლის ადამიანების ურთიერთობებს ამ პატარა ქალაქში ერთმანეთის მიმართ...
როდესაც დანაშაულებრივი ორგანიზაცია საზღვარს კვეთს და სამხრეთ კორეის ტერიტორიაზე შემოდის, სამხრეთ კორეის დეტექტივმა უნდა ითანამშრომლოს ჩრდილოეთ კორეის დეტექტივთან, რათა გამოიძიოს მათი ადგილსამყოფელი.
ერონის ბავშვობამ ამერიკის ცნობილი დეპრესიის წლებში გაიარა, 1930იან წლებში. თუმცა მძიმე ცხოვრებამ ვერ გატეხა ბიჭი, პირიქით მან ბევრი გამოსცადა საკუთარ თავზე და წარმატებას მიაღწია ცხოვრებაში.
მაიკლი 24 წლისაა და თითქმის მთელი ცხოვრება ინვალიდთა სახლში გაატარა, სადაც ცერებრალური დამბლის გამო მოხვდა. ის კლინიკის ახალ პაციენტს გაიცნობს, რომელიც ინვალიდის სავარძელს კუნთების ატროფიამ მიაჯაჭვა. მაიკლივით მასაც პრაქტიკულად არ შეუძლია გადაადგილება, მაგრამ ეს ხელს არ უშლის რორი ო’შის, რომ თავისებურად დატკბეს ცხოვრებით. მისი სიმამაცე მაიკლისთვის საუკეთესო მაგალითი ხდება.
რიზვან ხანი, ბორივალელი მუსლიმია, რომელიც ასპერგერის სინდრომით, ძლიერად გამოხატული აუტიზმის ფორმით არის დაავადებული. სრულწლოვანი რიზვანი სან-ფრანცისკოში მადირას, ინდუს მარტოხელა დედას მოიყვანს ცოლად. თერთმეტი სექტემბრის შემდეგ მუსულმანების მიმართ დამოკიდებულება მკვეთრად იცვლება და მის ავადმყოფობას ხელისუფლების წევრები ეჭვქვეშ აყენებენ.
მიჩი ჩადის ისეთ ბანაკში სამუშაოდ, სადაც მდიდრების შვილები ისვენებენ. ყველანი ერთად მღერიან, ცეკვავენ და მრავალ კონკურსში მონაწილეობენ. ერთხელ მიჩი გაიგებს, რომ ადგილობრივი სიმპათიური ბიჭი შეინი თავისთან ჯგუფში მეოთხე მონაწილე, გოგონას ეძებს. თავისი ოცნების განსახორციელებლად მთავარ გმირს მოუწვეს შინაგანი შიშების გადალახვა და მოსმენაზე მისვლა.
მაშინ როდესაც პრინცესა როსალინდა მისი ქვეყნის, კოსტა ლუნას დედოფალი უნდა გახდეს, ქვეყანას ბოროტი დიქტატორი დაიპყრობს. მას პრინცესების დაცვის პროგრამაში ჩასვამენ, რომელიც სამეფო ოჯახების საიდუმლოდ დაარსებული ორგანიზაციაა. როსალინდას ლუიზიანელი აგენტი მეისონ ვერნიკა იცავს. ამერიკაში დამალვის დროს პრინცესა აგენტის ქალიშვილს გაიცნობს.
მოქიშპე ოჯახების ნების წინააღმდეგ რომეო მონტეკისა და ჯულიეტა კაპულეტის ერთმანეთი შეუყვარდებათ. ვნებას მინდობილი ახალგაზრდა წყვილი ბედისწერის გაურბის და იპარება, რაც მხოლოდ ტრაგედიით სრულდება. ფილმმა ორი ოსკარი მიიღო.
ფილმი შედგება 11 ნოველისაგან, რომლებიც ბოლო 17 წლის განმავლობაშია გადაღებული. ფილმის ყოველ ფრაგმენტში არის ორი კომპონენტი - ყავა და სიგარეტი - რომლებიც, როგორც ალამაზებენ ცხოვრებას, ასევე ავადმყოფობამდეც მივყავართ. რეჟისორი თავის პერსონაჟებს მაქსიმალურ თავისუფლებას აძლევს და თითქმის არ ცვლის მათ. ისინი ფილმში თავის თავს თამაშობენ...
ქალი ნაპირზე გამორიყულ ბოთლში რომანტიკულ წერილს აღმოაჩენს და მისი ავტორის პოვნას გადაწყვიტავს. გზავნილის ავტორი ქვრივი მამაკაცი აღმოჩნდება,რომლის მეუღლეც ტრაგიკულად დაიღუპა. წყვილს ერთმანეთი იზიდავს და მამაკაცი წარსულთან განშორებასა და ბედნიერად ცხოვრებას ცდილობს...
ქენდი - ახალგაზრდა, ლამაზი მხატვარია, დენი კი პოეტი. მათი მათრობელა სიყვარული, უსასრულო სიამოვნებისკენ მიისწრაფის. შესაძლებლობის საზღვრების გაფართოვებაში მათ ჰეროინი ეხმარება. როდესაც ერთად არიან მომავლის არ ეშინიათ. მათთვის სიყვარული განუყოფელად არის დამოკიდებული ნარკოტიკებზე.
შეხვედრა პარკში სეირნობისას სიყვარულში გადადის და ელი ჰარისონი სიყვარულით აივსო. ისინი ადრე თითქოს ხვდებოდნენ... ასე არა მარტო მას მოეჩვენა არამედ ბიჭსაც... რაც მოხდა შემდეგ, გვახსენებს ლეგენდას მეფე არტურზე.
დილან სქონფილდი ლოს-ანჯელესში ვუდლენის აკადემიის ნამდვილი ვარდისფერი პრინცესაა. მას საუკეთესო შეყვარებული, ელიტარული მეგობრები და ერთი სიტყვით ყველაფერი ის გააჩნია, რისიც ხალხს ყოველთვის შურს. მაგრამ როდესაც მას ჩანთა შადრევანში ჩაუვარდება, სწორედ ამ დროს შეხვდება,ფილმების ფანატ ჯოშ როზენს. როზენი ჩანთის გადარჩენის სანაცვლოდ ითხოვს, რომ დილანმა მის შესახებ დოკუმენტური ფილმის გადაღების ნება დართოს...
70-იანი წლების ერთ-ერთი ყველაზე პოპულარული ფილმი და დღემდე ყველა ასაკის მაყურებელთა რჩეული მელოდრამა, ორი ახალგაზრდას სიყვარულის ისტორიას მოგვითხრობს. მდიდარი ოჯახიშვილის და ღარიბი გოგონას ენით აუწერელი ბედნიერება და სევდით სავსე სიყვარული...
ტედ მორგანს რთული ცხოვრება ჰქონდა, ბავშვობიდან მას ყველა ჩაგრავდა, კლასელები დასცინოდნენ, მათემატიკის მასწავლებელს კი მისი მთელი კლასის წინაშე დამცირება მოსწონდა. დრო გავიდა, ტედი გაიზარდა, ერთხელაც ის მის მჩაგვრელებს ხვდება, აღმოჩნდება რომ მათი ცხოვრება არც თუ ისე სახარბიელოდ წარიმართა.
ბოდინში, ტეხასში , მუსიკის მოყვარული მეამბოხე თინეიჯერი ცდილობს თავისი პატარა ქალაქის მოსაწყენ ყოველდღიურობას გაექცეს და გორგოლაჭებით შეჯიბრის ლიგაში გაწევრიანდება...
სანამ მეორე მსოფლიო ომი დაიწყებოდა პატარა მეშახტეთა ქალაქში ერთ ღარიბ ოჯახს მოუწია თავისი საყვარელი ძაღლი ლესსი ლორდი რედლინგისთვის მიეყიდა, მაგრამ გადასვლისას შოტლანდიის ჩრდილოეთ ნაპირზე ძაღლი გარბის ახალი მეპატრონეებისაგან. ასე იწყება დაუჯერებელი თავგადასავლები მამაცი ძაღლის სახლში დაბრუნების გზაზე.
ორი მარტოსული - ფრენკი და ჯონი ერთმანეთს პატარა კაფეში შეხვდნენ. აქ ფრენკი ოფიციანტად მუშაობს ხოლო ჯონს მზარეულად აიყვანენ მას შემდეგ, რაც ის თვრამეტ თვეს გაატარებს ციხეში, ჩეკის გაყალბების გამო. ჯონი გულწრფელად გამოხატავს სიმპატიას ფრენკის მიმართ, მაგრამ ქალი არ აქცევს ყურადღებას, რადგან ეშინია კიდევ ერთხელ არ შეცდეს...
ფილმის სიუჟეტის მიხედვით მთავარი მოქმედი გმირი მე-20 საუკუნის დასაწყისში დაიბადა და უკვე 100 წელია ცოცხლობს და არც ბერდება. ხანგრძლივი სიცოცხლის მიუხედავად მან ვერ მოძებნა საყვარელი ადამიანი, მაგრამ აი, გამოჩნდა ის მამაკაცი, რომლის გამოც ადელაინი მზადაა გახდეს მოკვდავი...
ჯორჯი და ანა 80 წელს მიტანებული ცოლ-ქმარი არიან. ისინი მუსიკის მასწავლებლები არიან, ისევე როგორც მათი ქალიშვილი. ერთ დღეს ანას შეტევა მოუვა, წყვილის სიყვარული და გრძნობები გამოცდას გადის.
ნიუ-იორკი სავსეა მარტოხელა გულებით, რომლებიც ეძებენ სწორ ქორწინებას. ასეთია ალისი, რობინი, ლუსი, მეგი, ტომი და დავიდი - მათ ყველას სჭირდება ისწავლონ როგორ იყვნენ მარტო სიყვარულით სავსე სამყაროში.
28 წლის გამყიდველი ბრაიანი ოცნებობს იშვილოს ჩნელი ბავშვი. ერთხელ მაღაზიაში სადაც ბრაიანი მუშაობს შემოვა გოგონა და დაიძინებს საჩვენებელ საწოლზე. როდესაც ის გაიღვიძებს ბრაიანის ცხოვრება სამუდამოდ შეიცვლება...
დეკემბერში დაბადებული ოთხი ობოლი ბიჭის ამბავი. ყოველ წელს მათი გაშვილების იმედი თვალსა და ხელს შუა დნება. და აი ისინი ახალგაზრდა უშვილო წყვილს ხვდებიან და კვლავ უჩნდებათ მშობლების შეძენის იმედი. მაგრამ წყვილს მხოლოდ ერთი მათგანის აყვანა შეუძლია...
ჯეკი – პოპულარული რადიო წამყვანია. მას იუმორის გრძნობა, სარკაზმი და პროფესიონალური ცინიზმი აქვს, რომელიც საბოლოოდ ტრაგედიად მოტრიალდება: მისი ერთ-ერთი მუდმივი მსმენელი მიყვება მის ირონიულ რჩევას: შევა კაფეში და დატენილ იარაღს მთლიანად დაცლის. გაოგნებული ჯეკი სამუშაოს თავს ანებებს და სასმელს ეტანება... ამ მომენტში ის შეხვდება უსახლკარო მაწანწალა პერის, წარსულში ისტორიის პროფესორს, რომელიც მას საკუთარი ფანტაზიების საოცარ სამყაროში ჩაითრევს, სადაც დიდი ქალაქის მოწყენილ ქუჩებში შუასაუკუნეების რაინდები მოძრაობენ, ცათამბჯენები კი უმდიდრეს სასახლეებად იქცევა. ერთად ისინი წმინდა გრაალის საძებნელად მიემგზავრებიან მანჰეტენზე...
მშობლების გაშორების შემდეგ გულგატეხილი ტაილერ ჰოუკინსი ცხოვრების აზრს მაშინ იბრუნებს, როდესაც გულახდილ მშვენიერ ელი კრეიგს შეხვდება. ისიც ასევე ტრამვირებულია, რადგან დედა მის თვალწინ გარდაიცვალა. ტაილერი და ელი დაახლოვდებიან და მალე ერთმანეთი შეუყვარდებათ, მაგრამ ტრაგედია, რომელიც მათ ცალცალკე გადახდათ ამ სიყვარულზე მოქმედებს...
ერთი ოჯახის ისტორია – ცნობილი პიანისტი შარლოტა ანდერგასტი, მისი მეუღლე – არქიტექტორი იუსეფი და მათი ქალიშვილები ევა და ელენი, ოჯახური კონფლიქტი და დასანგრევად განწირული ოჯახის ისტორია...