შრომისმოყვარე პოლიციელ მამას მხოლოდ სურს, რომ მის სწრაფად დაბრძენებულ 8 წლის ქალიშვილს უზრუნველი ცხოვრება შეუქმნას. აუზის მწმენდავის სამუშაო სან ფერნანდო ველში მხოლოდ საფარია - სინამდვილეში კი ის ფულს ვამპირებზე ნადირობით და მათი დახოცვით შოულობს...
მარტოხელა მეცნიერი სტამბოლში მოგზაურობისას აღმოაჩენს უძველეს ბოთლს, საიდანაც ჯინი გათავისუფლდება და მას 3 სურვილის შესრულებას შესთავაზებს. მეცნიერს სურვილის მოფიქრება უჭირს, სანამ ჯინის ისტორიები მასში სიყვარულის სურვილს არ გააღვიძებს...
ჯოანი და ტომი მრავალი წელია ქორწინებაში იმყოფებიან. მათ ურთიერთობაში სიმარტივეა, რაც ცხოვრების ერთად გატარებამ თავისთავად მოიტანა. მათ შორის სინაზე და იუმორი ურთიერთობას ავსებს. როდესაც ჯოანს მოულოდნელად ძუძუს კიბოს დიაგნოზს დაუსვამენ ეს ანათებს მათ ურთიერთობას, რადგან წინ დიდი გამოწვევაა, რა შეიძლება მოხდეს თუ ჯოანს რაიმე დაემართება? ჩვეულებრივი სიყვარული არის ისტორია სიყვარულის, გადარჩენის და ეპიკური კითხვების შესახებ, რომელიც ცხოვრების განმავლობაში თითოეულ ჩვენგანს აწუხებს...
ბნელ და პირქუშ ღამეს ურჩხულებზე მონადირეთა ჯგუფი მათი ლიდერის სიკვდილის შემდეგ ჩრდილიდან გამოდის და ავისმომასწავებელ სისხლიანი ქვის ტაძარში იკრიბება. მათი ლიდერის ხსოვნის უჩვეულო და სახიფათო რიტუალზე მონაწილეები საიდუმლოებით მოცულ შეჯიბრში ერთვებიან და ძლევამოსილი რელიკვიის ძიებას იწყებენ. ეს ნადირობა მათ საბოლოოდ საზარელ ურჩხულთან მიიყვანს...
პირლი ოჯახის უკაცრიელ ფერმაშია ჩარჩენილი, სადაც ავადმყოფ მამას უვლის ღვთისმოშიში დედის ზედამხედველობის ქვეშ. ის ისეთ გლამურულ ცხოვრებაზე ოცნებობს, როგორიც ფილმებში აქვს ნანახი, თუმცა მისი ამბიციები და მისწრაფებები იმსხვრევა...
ინტიმური პორტრეტი ახალგაზრდა ამერიკელი ჯარისკაცის, ლინდსის შესახებ, რომელიც მსახურობს აშშ-ის არმიის ინჟინერთა კორპუსში ავღანეთში, სადაც ბრძოლისას ნაღმზე აფეთქების შემდეგ, მთავარი გმირი გადარჩება, მაგრამ თავის ტვინის დაზიანებას მიიღებს. ახლა ის უნდა დაბრუნდეს სახლში, ახალ ორლეანში. შედეგად, გოგონა პოულობს სამუშაოს დამლაგებლად და მთელი ძალებით ცდილობს თავისი ცხოვრება ახალ რეალობაში ააგოს.
1950-იანი წლების დიასახლისი, რომელიც მეუღლესთან ერთად უტოპიურ ექსპერიმენტულ საზოგადოებაში ცხოვრობს, ნერვიულობს, რომ მის გლამურულ სამეგობროს, შესაძლოა, შემაშფოთებელი საიდუმლოებები ჰქონდეს...
მოხუცებული მეფე ლირი გადაწყვეტს მისი სამფლობელო სამ ქალიშვილს გაუნაწილოს, ამისათვის კი მათ მისდამი სიყვარული უნდა გამოხატონ. უმცროსი ქალიშვილი თვალთმაქცობას არ დაიწყებს და ძალაუფლების გარეშე დარჩება. უფროსი დები კი სამეფოს გაინაწილებენ...
აეროპორტის მესაზღვრეები ნაცემ ახალგაზრდა მამაკაცს აკავებენ. იგი ამტკიცებს, რომ ედრიან ლეგრანია, რომელიც ათი წლის წინ ბავშვობაში უკვალოდ გაქრა. ედრიანის მამისთვის, ვინსენტისთვის კოშმარი, რომელმაც არ იცოდა სად იყო მისი ვაჟი, როგორვ ჩანს, დასრულდა. მას ახალაგაზრდა მამაკაცი თავის სახლში მიჰყავს. ამავე დროს, რეგიონში მთელი რიგი შემზარავი მკვლელობები იწყება. ალექსია, რომელიც ავტოსალონში მოდელად მუშაობს, ბოროტმოქმედის მხედველობის არეში შემდეგ შესაძლო მსხვერპლს წარმოადგენს...
ფილმი მოგვითხრობს დოკუმენტურ კინორეჟისორ მაიკლ კინგზე (შეინ ჯონსონი), რომელსაც არ სჯერა ღმერთისა და ეშმაკის. მეუღლის უეცარი გარდაცვალების შემდეგ, მაიკლი გადაწყვეტს გადაიღოს შემდეგი ფილმი ზებუნებრივის არსებობის ძიებაზე, რაც ექსპერიმენტის ცენტრში ხდება - დემონოლოგებს, ნეკრომანტებს და ოკულტის სხვადასხვა პრაქტიკოსებს საშუალებას აძლევს სცადონ ყველაზე ღრმა და ბნელი. შელოცვები და რიტუალები, რომლებიც მათ შეუძლიათ იპოვონ მასზე - იმ იმედით, რომ როდესაც ისინი წარუმატებლობას განიცდიან, მას ერთხელ და სამუდამოდ ექნება მტკიცებულება, რომ რელიგია, სპირიტუალიზმი და პარანორმა სხვა არაფერია თუ არა მითი. მაგრამ რაღაც ხდება. ბოროტმა და შემზარავმა ძალამ დაიპყრო მაიკლ კინგი, და არ გაუშვებს მას...
2018 წლის “იურიული სამყარო 2: დაცემული სამეფო“ -ს მოვლენების შემდეგ, დინოზავრები მთელ პლანეტაზე გავრცელდებიან, რაც საგრძნობლად შეცვლის მოსოფლიოს, სადაც ადამიანები იძულებულნი არიან მათთან ერთად იცხოვრონ ან მოკვდენ. დინოზავრების შექმნის ტექნოლოგია, ნებისმიერი ტექნოლოგიის ღია წყარო გახდება, ახლა ჰენრი ვუ ერთადერთი არ არის, ვინც მას ფლობს. შედეგად, კომპანიებმა შეძლეს დინოზავრების შექმნა, რომლებიც გადაშენებულ წინაპრებთან უფრო ახლოს არიან, ვიდრე InGen კლონები. კლერ დირინგი და ოუენ გრედი, ახალგაზრდა მეისი ლოკვუდზე ზრუნავენ, და პასუხისმგებლობას იზიარებენ ყველაფერ მომხდარზე. მაგრამ სამმა ადამიანმა, რომელბიც ისლა ნუბლარზე და ისლა სორნზე იმყოფებოდნენ, კლერს და ოუნეს უნდა უჩვენონ, რომ სიცოცხლემ იპოვა გზა იმ ადგილისკენ, სადაც დინოზავრებს შეუძლიათ გამრავლება, ცხოვრება და განვითარება. თუმცა, ცოტამ თუ იცის, რომ სხვა პრეისტორიული ცხოველები უკვე გზაში არიან. როდესაც ახალგაზრდა მეისის დინო-ბრაკონიერები გაიტაცებენ, ოუენი და კლერი მის მოსაძებნად და გადასარჩენად მიდიან. მათი თავაგადასავალი გმირებს გლობალური კორპორაციის მიერ, შესაძლო საშინელი პროგრამით მართულ, დინოზავრების საარსებო გარემოში მიიყვანს, რომელსაც ალან გრანტი და ელი სატლერი იკვლევენ...
ფილმი მოგვითხრობს დაუნის სინდრომით დაავადებული 22 წლის ზაკზე, რომელიც ინვალიდთა სახლიდან გარბის, სადაც ის ცხოვრობს, რათა ოცნება აისრულოს და პროფესიონალი რესლერი გახდეს. მთელი რიგი მოვლენების შემდეგ, ახალგაზრდა ტაილერი – ძებნაში მყოფი წვრილმანი თაღლითი, ზაკის მწვრთნელი და მოკავშირე გახდება. გმირები ერთად გაურბიან დევნას, ვისკის სვამენ, ღმერთს ეძებენ, თევზებს იჭერენ და ინვალიდთა სახლის მშვენიერ და კეთილ მედდას - ელეონორას, თავიანთ მოგზაურობაში ჩაითრევენ...
თორი შინაგანი სიმშვიდის ძიებაში განსხვავებულ მოგზაურობაში მიდის, სადაც ის ღმერთების მკვლელს, გორს უპირისპირდება. საფრთხის დასაძლევად თორი დახმარებას სთხოვს ვალკირიას, კორგის და ყოფილ შეყვარებულს ჯეინ ფოსტერს, რომელიც მისდა გასაკვირად მიოლნირის ჯადოსნური უროს მფლობელი გახდება. შედეგად, ისინი ერთად იწყებენ შთამბეჭდავ კოსმოსურ თავგადასავალს, რათა გამოავლინონ ღმერთების მკვლელის შურისძიების საიდუმლო და შეაჩერონ იგი, სანამ ძალიან გვიანი არ იქნება...
პოლიციის ოფიცრები უსმანი და ფრანსუა კვლავ ერთიანდებიან ახალი გამოიძებისთვის. ის, რაც თავიდან უბრალო ნარკო გარიგებას ჰგავდა, სახიფათო, უმსხვილესი სისხლის სამართლის საქმე აღმოჩნდება, რაც საბოლოოდ მხრიარულ და ფართომასშტაბიან ოპერაციად გადაიქცევა...
ემილი, რომელსაც სტუდენტური სესხი აქვს და ნასამართლეობის გამო სამსახურს ვერ შოულობს, საკრედიტო ბარათების თაღლითობაში გაებმება და ლოს ანჯელესის დანაშაულებრივ სამყაროში აღმოჩნდება, რასაც საბოლოოდ მომაკვდინებელი შედეგები მოჰყვება...
ჯეიმს ბონდმა სამსახური დატოვა. თუმცა მისი სიმშვიდე ხანმოკლე აღმოჩნდა - ფელიქს ლაითერმა, ძველმა მეგობარმა დაზვერვიდან, დახმარება სთხოვა, რამაც ბონდი ახალი, სახიფათო ტექნოლოგიებით შეიარაღებული საიდუმლოებით მოცული ბოროტმოქმედის კვალზე გაიყვანა...
სკოტ თომასს დიდად არ აღელვებს, რომ მისი დიდი ხნის ინტერნეტ მეგობარი მიკი მას პირისპირ შეხვედრას სთხოვს, მაგრამ როდესაც აღმოაჩენს, რომ იგი უმშვენიერესი გოგონაა, სკოტი მეგობრების თანხლებით მაშინვე ევროპაში სამოგზაუროდ გაემართება. ველური თავგადასავლებით სავსე ბერლინისკენ მიმავალ გზაზე, ისინი შეხვდებიან თავზეხელაღებულ ფეხბურთის გულშემატკივრებს, მოსიყვარულე იტალიელს და მოგზაურ არტურ ფრომერს...
ჩინელი საიდუმლო აგენტი მიიღებს შეტყობინებას იმის შესახებ, რომ დიდი რაოდენობით უკანონო ცეცხლსასროლი იარაღი კონტრაბანდული გზით შედის კორეაში და მას ამ საქმის გამოსაძიებლად აგზავნიან. იგი ხვდება სუ-ჰანს, რომელიც წესით უნდა დახმარებოდა ამ საქმეში, თუმცა მისი უნიათობის წყალობით, უბრალო წვრილმანებზე უწევთ ჩხუბი. მაგრამ როდესაც მათ მოწმეებს მოულოდნელად მოკლავენ, ორივე უმალ მთავარი ეჭვმიტანილი გახდება.
1986 წლის საკულტო ფილმის სიქველი, რომელიც დიდი გამოცდილების მქონე შეუდარებელი მფრინავი - ასის პიტ მიტჩელის, მეტსახელად მევერიკის შესახებ მოგვითხრობს, რომელმაც მაღალსიჩქარიანი ფრენები მიატოვა და ახლა ახალგაზრდა დამწყებ პილოტებს წვრთნის. მაგრამ დრო იცვლება და მასთან ერთად საჰაერო ბრძოლების ტექნიკა და წესები იცვლება. როდესაც მაღალი თანამდებობის პირების მიერ დაწყებული ექსპერიმენტები, რომლებიც ცოცხალი პილოტების მაღალტექნოლოგიური ჭკვიანი დრონებით შეცვალს გადაწყვეტენ, მთავარი გმირი იძულებული გახდება კვლავ გამანადგურებლის საჭევარს მიუჯდეს და უმაღლესი პილოტაჟი აჩვენოს…
იუტა ოკოტსუ სკოლის მოსწავლეა, რომელიც სერიოზული პრობლემით იტანჯება - მისი ბავშვობის მეგობარი რიკა წყევლად გადაიქცა და თავს არ ანებებს. რადგან რიკა ჩვეულებრივი წყევლა არ არის, მას სატორუ გოჯოც ამჩნევს, მასწავლებელი ჯუჯუთსუს სკოლაში, სადაც ეგზორცისტები შელოცვებით ორთაბრძოლას სწავლობენ. გოჯო იუტას არწმუნებს, რომ მის სკოლაში გადავიდეს, მაგრამ მოასწრებს ყველაფრის დროულად სწავლას, რომ საკუთარ წყევლას დაუპირისპირდეს?
ზაფხულში საქორლწილო ციებ-ცხელებისგან თავდასაცავად ორი დიდიხნის მეგობარი, ბენი და ელისი, შეთანხმდებიან, რომ ერთმანეთს დაეხმარონ. რაც იმაში გამოიხატებბა, რომ ერთმანეთის პარტნიორები იქნებიან ყველა საქორწილო წვეულებაზე, რომლებზეც დაპატიჟებენ...
როცა კოლეჯის მგლოვიარე პროფესორი ორ მონადირეს საკუთარ ტერიტორიაზე შემოჭრის დროს აღმოაჩენს, ისინი მას მწვავე ორთაბრძოლაში ჩაითრევენ, რასაც კატასტროფული შედეგები მოჰყვება...
საუკეთესო მეგობრებისთვის - ბეკისა და ჰანტერისთვის ცხოვრება შიშების დაძლევასთან და კომფორტის ზონიდან გასვლასთან ასოცირდება. თუმცა 2,000 ფუტის სიმაღლის შორეულ, მიტოვებულ კოშკურაზე აძრომის შემდეგ ისინი აღმოაჩენენ, რომ ჩასვლა აღარ შეუძლიათ. ბეკისა და ჰანტერის ცოცვის უნარებმა სერიოზულ გამოცდას უნდა გაუძლოს, მათ მოუწევთ რესურსების სიმცირესა და თავბრუდამხვევ სიმაღლესთან გამკლავება...
"საზიზღარი მე"-ს შემქმნელებისგან მინიონებზე შექმნილი მოკლემეტრაჟიანი ფილმების კოლექცია, როგორც "დამხმარე ბორბლები", "ლეკვი" და "ყვითელი ახალი შავია"...
დედამიწის ეკოსისტემის რღვევის შემდეგ ვესპერი, 13 წლის გოგონა, პარალიზებულ მამასთან ერთად გადარჩენას ცდილობს. ის გაიცნობს ქალს, რომელსაც საიდუმლო აქვს და აიძულებს მას, გამოიყენოს საკუთარი გონიერება, ძალა და ჰაკერული უნარები, რათა მომავლის შესაძლებლობისთვის ბრძოლა შეძლონ...
პოპ-მუსიკის ვარსკვლავი კატ ვალდეზი და ბასტიანი კონცერტის დროს თავიანთი თაყვანისმცემლების წინაშე აპირებენ დაქორწინებას, რომელიც რამდენიმე პლატფორმაზე უნდა გაშუქდეს. განქორწინებული სკოლის მათემატიკის მასწავლებელი ჩარლი გილბერტი კონცერტზე მისმა ქალიშვილმა ლუმ და საუკეთესო მეგობარმა პარკერ დებსიმ წაიყვანეს. როდესაც ცერემონიამდე რამდენიმე წამით ადრე კატი გაიგებს, რომ ბასტიანმა ასისტენტთან უღალატა, მისი ცხოვრება მიმართულებას იცვლის და კითხვის ნიშნის ქვეშ აყენებს სიყვარულს, სიმართლეს და ერთგულებას. მთავარი გმირი უცხო ადამიანის, ჩარლის მზერას ამჩნევს ბრბოში, რომელიც მასთან შეუღლებას გადაწყვეტს. ის, რაც იწყება, როგორც იმპულსური რეაქცია, მოულოდნელ რომანად გადაიქცევა. მაგრამ როდესაც გარე ძალები მათ დაშორებას ცდილობენ, ჩნდება უნივერსალური კითხვა: შეუძლია თუ არა ორ ადამიანს ასეთი განსხვავებული სამყაროდან მათ შორის არსებული უფსკრულის გადალახვა და ადგილის შექმნა, სადაც ისინი ბედნიერები იქნებიან...
ხუთნაწილიანი ფილმის ხუთივე ეპიზოდში ვერშემდგარი არქიტექტორი და ბოროტი სოციოპათი ჯეკი თავის საგულდაგულოდ შესრულებული მკვლელობების შესახებ ყვება. მიაჩნია, რომ თითოეული მათგანი ხელოვნების უმაღლესი ნიმუშია და მის ცხოვრებისეულ საქმიანობას, როგორც სერიული მკვლელისას, კარგად წარმოაჩენს...
„მატრიცას“ პირველ ფილმში განვითარებული ისტორიის გაგრძელება, სადაც კინოს გმირები - ნეო და ტრინიტი მატრიცაში ბრუნდებიან და კურდღლის უფრო ღრმა სოროში აღმოჩნდებიან. შოკისმომგვრელი და ეპიკური თავგადასავალი მიმდინარეობს უკვე ნაცნობ, თუმცა უფრო შემაძრწუნებელ სამყაროში, სადაც რეალობა გაცილებით უფრო სუბიექტურია და ჭეშმარიტების დასანახად გონების გათავისუფლებაა საჭირო.
ალიტა მისთვის სრულიად უცხო მომავლის სამყაროში გამოიღვიძებს. მას წარმოგდენაც არ აქვს სინამდვილეში ვინ არის და საიდან მოვიდა. ექიმი აიდო, რომელმაც ის იპოვა ხვდება, რომ სადღაც, ამ კიბორგის ფუტლარის მიღმა, განსაკუთრებული წარსულის მქონე ახალგაზრდა ქალის გული და სულია...
ახალგაზრდა ჩარლი კინკეიდი საკუთარი სახლის ქვეშ სუპერგმირის საიდუმლო შტაბს აღმოაჩენს. ამ ამბის მეგობრებისთვის გაზიარების შემდეგ ყველა ფიქრობს, რომ ჩარლის მამა შესაძლოა, ორმაგი ცხოვრებით ცხოვრობდეს...
პოლიციის ოფიცერი, რომელიც გადაიყვანეს მარსელში, იღებს დავალებას, რომ დააკავოს იტალიელი მძარცველების ჯგუფი, რომლებიც ფერარიში სხედან, საჭესთან კი ლეგენდარული დანიელის, თეთრი ტაქსის მძღოლის ძმისშვილი ზის.
2003 წლის ბელგიური ფილმის “მკვლელის მეხსიერება” რიმეიკი, უმაღლესი კლასის დაქირავებული მკვლელის ალექს ლუისის (ლიამ ნისონი) შესახებ, რომელიც უარს ამბობს ძლიერი და სახიფათო კრიმინალური ორგანიზაციის შეკვეთის შესრულებაზე, რის გამოც მათი სამიზნე გახდება. შედეგად, ალექსი იწყებს ნადირობას მათზე, ვისაც მისი სიკვდილი სურს. FBI-ის ვეტერანი აგენტები, ვინსენტი და ლინდა, მექსიკის დაზვერვის მოკავშირე აგენტთან, ჰუგოსთან ერთინდებიან, რათა მთავარი გმირის მიერ დატოვებულ ცხედრების კვალს გაჰყვნენ, რაც მათ უფრო აახლოვებს ალექსს, მაგრამ ასევე ბიზნეს-ლედის, დავანას (მონიკა ბელუჩი) აღშფოთებას იწვევს. მაშინ, როდესაც კრიმინალური სინდიკატი და FBI-ი მას ცხელ კვალზე მიჰყვება, ლუისის აქვს უნარი დარჩეს ერთი ნაბიჯით წინ, თუმცა ის ამავე დროს მეხსიერების ძლიერ დაკარგვას ებრძვის, რაც გავლენას ახდენს მის ყოველ ნაბიჯზე და ართულებს მიზნის მიღწევას.
ჰენკი – მამაცი ძაღლია, რომელიც ოცნებობს გახდეს სამურაი, მაგრამ კატების ქალაქში მას არავინ აღიქვამს სერიოზულად. თუმცა, როდესაც ფუმფულა ნინძების არმია მათ ქალაქს მოსპობით დაემუქრება, ჰენკი გადარჩენის ერთადერთი იმედი გახდება. ახლა მისი ბრძენი მასწავლებლისა და ერთგული მეგობრების დახმარებით, მთავარი გმირი მცირე დროში უნდა დაეუფლოს დიდი მეომრის უნარებს. მხოლოდ ამ გზით ექნება მას შანსი, ულვაშებიდან კუდამდე შეიარაღებულ ძლიერ მტერთან გაიმარჯვოს ეპიკურ ბრძოლაში...
ნამდვილი ამბავი გამოცდილი მთამსვლელი პემი ბეილსის შესახებ, რომელიც აშშ-ს ჩრდილო-აღმოსავლეთ რეგიონში მდებარე ვაშინგტონის მთის მწვერვალზე მიმავალი იძულებული გახდება უკან დაბრუნდეს, როდესაც მასიური ქარბუქი მთას მიუახლოვდება. მაგრამ ჩამოსვლისას ის მოულოდნელად მთაში ჩარჩენილ მარტოხელა მამაკაცს ხვდება და თავის თავზე იღებს მის მთიდან ჩამოყვანას, სანამ დაღამდება და მათ ქარიშხალი მოკლავს...
"გამოსასყიდისთვის დატყვევებული" მოგვითხრობს ნამდვილ ამბავს დანიელი ფოტოჟურნალისტის დანიელ რაის შესახებ, რომელიც სირიაში 398 დღის განმავლობაში ჰყავდა მძევლად აყვანილი ტერორისტულ ორგანიზაცია "აისისს" სხვა უცხოელებთან ერთად. მათ შორის იყო ამერიკელი ჟურნალისტი ჯეიმს ფოლი. ფილმი გვიყვება დანიელის ბრძოლაზე ტყვეობაში გადარჩენისთვის, მის მეგობრობაზე ჯეიმსთან და რაის ოჯახის წევრების ტრაგედიაზე დანიაში, რომლებიც ცდილობენ, შვილის გადასარჩენად ყველაფერი გააკეთონ. კრიზისის ეპიცენტრში ჩნდება მომლაპარაკებელი არტური, რომელიც დანიელის გათავისუფლებაში საკვანძო როლს ასრულებს...
ლუსი ყველა მისი ყოფილი ურთიერთობისგან სამახსოვროდ მომენტებს აგროვებს და გალერეაში ინახავს. ერთხელაც ის აღმოაჩენს, რომ წინ წასასვლელად საჭიროა ეს წარსული უკან მოიტოვოს...
დაუნდობელი ჰელას მიერ მისი სამშობლოს განადგურებისა და ასგარდიული ცივილიზაციის სიკვდილის შემდეგ, თორი სამყაროს მეორე მხარესაა პატიმრობაში და დროის წინააღმდეგ ბრძოლაში ერთვება, რათა ასგარდთან დაბრუნდეს რაგნაროკის შესაჩერებლად...
ჩოგბურთის სუპერვარსკვლავების ვენუსისა და სერენა უილიამსის ისტორია - თუ როგორ იქცნენ ისეთებად, როგორებიც არიან მათი მამის რიჩარდ უილიამსის წვრთნის წყალობით.
როცა დაზვერვის საუკეთესო ჯარისკაცი ცნობილი, როგორც კურტ ჯენტრი, იგივე სიერა-6 შემთხვევით სააგენტოს საიდუმლოებებს შეიტყობს, პირველ სამიზნედ იქცევა და მისი ყოფილი ფსიქოპათი კოლეგა ლოიდ ჰანსენი და საერთაშორისო დაქირავებული მკვლელები მასზე მთელი მსოფლიოს მასშტაბით იწყებენ ნადირობას...
ახლახან დაქვრივებული დედა ბრენდა იბრძვის ოჯახის დასაცავად შემზარავი საგზაო მოგზაურობის დროს, როდესაც მკვლელობა და ნაღდი ფულის დაკარგული ტომარა მათ საფრთხეში ჩააგდებს...
სასიკვდილო ვირუსის ეპიდემიამ, რომელიც სამხრეთ და ჩრდილოეთ კორეას შორის დემილიტარიზებულ ზონაში წარმოიშვა, სრულიად გაანადგურა შეერთებული შტატები და ჩრდილოეთ კორეა. მთავარი გმირი კარტერი სასიკვდილო პანდემიიდან ორი თვის შემდეგ მოტელში იღვიძებს, რომელსაც არაფერი ახსოვს თავისი წარსული ცხოვრების შესახებ, თავის თავში იდუმალ მოწყობილობას აღმოაჩენს, ხოლო პირში სასიკვდილო ბომბს. მის ყურში ხმა მას ბრძანებებს აძლევს, რომ არ მოკვდეს, რომლის დროსაც კარტერი ჩათრეული აღმოჩნდება იდუმალ ოპერაციაში, მაშინ როცა CIA-ს და ჩრდილოეთ კორეის დაჯგუფება მას კვალზე მიჰყვებიან. ახლა მთავარი გმირი უნდა გადაურჩეს სახიფათო მისიას და გაიგოს, თუ როგორ აღმოჩნდა ასეთ გარემოებებში და ვინ ფლობს მის ყურში იდუმალ ხმას, რომელიც აძლევს მას მითითებებს...
უკვდავების მიღების იმედით, მეფე ლუი XIV იტაცებს ქალთევზას და იპარავს მის სასიცოცხლო ძალას, მაგრამ მისი უკანონო ქალიშვილის აღმოჩენა მეფის გეგმებს საფრთხის წინაშე აყენებს...
უკვე მრავალი წელია დემონი თეთრი გველი ჯადოსნურ ბაღში მედიტირებს და ცდილობს შინაგან სიცარიელეს გაუმკლავდეს. მისი და, მწვანე გველი მას ნეფრიტის თმის სამაგრს აძლევს და მოგონებები ბრუნდება...
მისიკალური ანიმაციური ფილმი, კინკაჟუს სახელად ვივოს შესახებ, რომელიც მთელ დღეებს თავის საყვარელ მფლობელ ანდრესთან ერთად ჰავანას ხალხით სავსე ხმაურიან მოედანზე მუსიკის დაკვრაში ატარებს. მიუხედავად იმისა, რომ ისინი შეიძლება ერთ ენაზე არ საუბრობდნენ, ვივო და ანდრესი მუსიკისადმი საერთო სიყვარულის გამო იდეალურ დუეტს ქმნიან. მაგრამ როდესაც ტრაგედია დატრიალდება ყველაფერი იცვლება და ვივოს განსაკუთრებული მისია ეკისრება...
სამეცნიერო ფანტასტიკური თრილერი, რომელშიც მოვლენები უახლოს მომავალში ვითარდება და ორი მსჯავრდებულის შესახებ მოგვითხრობს, რომლებსაც სასჯელის შემსუბუქების სანაცვლოდ რადიკალურად ახალი პრეპარატის გამოცდის ექსპერიმენტში მონაწილეობას სთავაზობენ. გმირებს სპეციალურ საპყრობილეში აგზავნიან, რომელსაც შეშლილი მეცნიერი მართავს. ამგვარად, ის პატიმრებზე სხვადასხვა ექსპერიმენტებს ატარებს, კერძოდ ნარკოტიკებს ტესტავს, რომლებიც მათ გონებას აკნტროლებს და გავლენას ახდენს ემოციებზე...
ბიოგრაფიული დრამა, ოსვენციმის საკონცენტრაციო ბანაკში გადარჩენილი, პოლონელი ებრაელი მოკრივის ჰარი ჰაფტის შესახებ, სადაც ის იძულებული იყო სხვა პატიმრებთან ერთად მონაწილეობა მიეღო სასიკვდილო გლადიატორულ კრივში. მეორე მსოფლიო ომის შემდეგ, მტკივნეული მოგონებებითა და დანაშაულის გრძნობით დატანჯული, ჰარი მთელი ძალებით ცდილობს კრივის ლეგენდის, როკი მარჩიანოს წინააღმდეგ გახმაურებული ბრძოლა გამოიყენოს, რათა კვლავ იპოვოს თავისი პირველი სიყვარული…
როცა მის ტომს საფრთხე დაემუქრება, უშიშარი და გაწაფული კომანჩი მეომარი ნარუ საკუთარი ხალხის დასაცავად გაემართება. თუმცა ნადირი, რომელსაც ის ეძებს, აღმოჩნდება განვითარებული უცხოპლანეტელი მტაცებელი მაღალტექნოლოგიური არსენალით...
