ფილმის მთავარი გმირები ლილი და როზი ძველი მეგობრები არიან, მათ ერთმანეთის ვაჟები შეუყვარდებათ. იმის შიშით, რომ საზოგადოებამ არ დაგმოს ისინი, ქალები მალავენ თავიანთ ურთიერთობებს წლების მანძლზე, სანამ საიდუმლო არ გახდება საჯარო...
ერთ დროს გიგანტი ფარმაცევტული კომპანია „ამბრელა კორპორეიშენის“ მშობლიური ქალაქი, რაკუნ სითი, დასავლეთის ცენტრალურ მომაკვდავ ქალაქად იქცა. კომპანიის დახურვამ ქალაქი ნანგრევებად აქცია, სადაც უზარმაზარი ბოროტება მძვინვარებს. ბოროტი ძალების გამოჩენის შემდეგ ქალაქის მოსახლეობა სამუდამოდ იცვლება. გადარჩენილთა პატარა ჯგუფებმა კი ერთად უნდა იმოქმედონ, რათა „ამბრელას“ საიდუმლოებები გამოააშკარაონ და მეორე დილამდე მიაღწიონ...
ექვსი ერთმანეთისთვის სრულიად უცნობი ადამიანი, რომლებმაც სასიკვდილო თამაშში გადარჩენა მოახერხა, ისევ ნების საწინააღმდეგოდ აღმოჩნდებიან ჯოჯოხეთურ თამაშში. ამჯერად მათ კიდევ უფრო საშინელი გამოცდები ელით წინ, სადაც დავალებები უფრო რთული და დაუნდობელი, ხოლო გადარჩენის შანსი ნულის ტოლფასი გახდა…
მშვიდი, თუმცა ულმობელი შუასაუკუნეების მებრძოლი თავის სამეფოს ურჩხულებისგან და ოკულტიზმისგან იცავს. მისი თავების კოლექციას ერთი თავი აკლია - თავი ურჩხულისა, რომელმაც მისი ქალიშვილი მოკლა წლების წინ. შურისძიების წყურვილით შეპყრობილი ურჩხულს ყველგან ეძებს, მაგრამ როდესაც მეორე შანსი მიეცემა, იგი ბევრად უფრო საშინელი აღმოჩნდება, ვიდრე ოდესმე წარმოედგინა...
ტრევის ბლოკი საიდუმლო სამთავრობო აგენტია, რომელიც ცდილობს შეეგუოს თავის ბნელ წარსულს. მაგრამ როდესაც სახიფათო დავალების შესრულებისას მთავარი გმირი სასიკვდილო შეთქმულებას გამოავლენს მის ორგანიზაციაში, რომელიც ხელისუფლების უმაღლეს ეშელონებში აღწევს, ის ფარული კონფლიქტის ქაოტურ ეპიცენტრში აღმოჩნდება, რაც ტრევის FBI-ის დირექტორის სამიზნეს გახდის, და ახლა სანამ ბლოკი ჟურნალისტის დახმარებით თავისი წარსული დანაშაულის გამოსყიდვას ცდილობს, ბოროტმოქმედები მის ქალიშვილს და შვილიშვილს გაიტაცებენ...
2002 წელს ჩირლიდინგის გუნდის კაპიტანი, რუბი ყველაზე ლამაზი და პოპულარული გოგონა იყო სკოლაში, რომელიც კვოტერბეკს ხვდება და მალე გამოსაშვები საღამოს დედოფალი უნდა გამხდარიყო. ყველა ბიჭი ოცნებობდა მასთან ყოფნაზე, რომელსაც ყველაფერი ქონდა მანამ, სანამ წარუმატებელი აკრობატული ტრიუკის გამო კომაში არ ჩავარდა. ოცი წლის შემდეგ რუბი კომიდან გამოდის და ხვდება, რომ მან ცხოვრების საუკეთესო ნაწილი დაკარგა. მაგრამ 37 წლის ქალად ქცეული მთავარი გმირი სკოლაში ბრუნდება და ცდილობს თავისი სკოლის ვარსკვლავის როლი დაიბრუნოს. მაგრამ ყველაზე მეტად მას გამოსაშვები საღამოს დედოფლის გვირგვინის მორგება სურს...
ბეტმენი მეორე წელია, რაც დანაშაულს ებრძვის. იმ დროს, როცა სერიულ მკვლელს - ადამიან გამოცანას უპირისპირდება, გოთემში აღმოაჩენს კორუფციას, რაც მის ოჯახთანაცაა დაკავშირებული...
როდესაც ჯინო ხვდება მრბოლელ ბენედიქტეს - ეს ერთი ნახვით სიყვარულია. ვნებიანი. უპირობო. ცეცხლოვანი. მაგრამ ჯინო საიდუმლოს მალავს. საიდუმლო, რომელსაც შეუძლია საფრთხე შეუქმნას თქვენს სიცოცხლეს და თქვენს გარშემო მყოფთა სიცოცხლეს. ჯინოს და ბენედიქტეს სიყვარულის გადასარჩენად - ბედის, გონების და საკუთარი სისუსტეების წინააღმდეგ ბრძოლა მოუწევთ...
ნიკოლასი დაუნის სინდრომის მქონე 10 წლის ბავშვია, რომელსაც დედა ყოველ წელს ახალ საკარნავალო კოსტიუმს უმზადებს. მას აქვს მაიმუნის, მამაცი მეკობრის, დრაკონის ფორმები. თუმცა სამწუხაროდ მოულოდნელად დედა გარდაიცვლება, რის შემდეგაც ნიკოლასს ბებია ბაბუასთან და ბიძაშვილთან მოუწევს საცხოვრებლად გადასვლა, რომელსაც კოშმარები სტანჯავს.
ხუთი წლის წინ ფილმის მთავარმა გმირმა - მაქს ლევინსკიმ, ციხეში ჩასვა საშიში დამნაშავე სახელად ჯეკობ სტერნვუდი, რომელიც ახლახანს გამოვიდა ციხიდან, დაბრუნდა ლონდონში და გადაწყვეტილი აქვს მოინახულოს თავისი მტერი...
მთავარმა გმირმა და დიდებულმა მეომრებმა ძალები უნდა გააერთიანონ და ერთად წავიდნენ ეპიკური მოგზაურობაში, რათა ჯადოქართა იდუმალ ორდერს შეებრძოლონ, რომელიც მსოფლიოს დაპყრობას აპირებს.
ისინი ვინც მიდიან მაქსი და ეივერი სოციალური მედიის აპლიკაციის გამოყენებით შეხვდებიან პირველ პაემანზე. ისინი ერთ მოჩვენებებით სავსე სახლში აღმოჩნდებიან და გააცნობიერებენ, რომ შესაძლოა ტრავმამ, რომელსაც ორივენი განიცდიან, ან გადაარჩინოს ისინი ან მათთვის დაუვიწყარ კოშმარად იქცეს.
კრიმინალური თრილერი, რომელშიც მოვლენები სიეტლში COVID-19-ის პანდემიის დროს ვითარდება და ტექნიკური მხარდაჭერის სპეციალისტის პოზიციაზე მომუშავე, აგორაფობიით დაავადებული ახალგაზრდა გოგონას შესახებ მოგვითხრობს, რომელიც მისი კომპანიის მონაცემების ანალიზის დროს ძალადობრივი დანაშაულის მტკიცებულებებს აღმოაჩენს და წინააღმდეგობასა თუ ბიუროკრატიას ხვდება, როდესაც ის ცდილობს ამის შესახებ თავის კომპანიას შეატყობინოს. ახლა სიმართლის გამოსავლენად, გოგონა იძულებულია მის ყველაზე დიდ შიშს დაუპირისპირდეს და გავიდეს თავისი ბინიდან მომიტინგეებით სავსე ქალაქის ქუჩებში.
როდესაც ლამაზი და ძლიერი პრინცესა უარს ამბობს მოძალადე სოციოპათის ცოლობაზე, მას გაიტაცებენ და თავისი მამის ციხესიმაგრეში მდებარე იზოლირებულ კოშკში გამოკეტავენ. ახლა სანამ მისი საძულველი და შურისმაძიებელი საქმრო, ახალგაზრდა გმირის მამის ტახტის დაკავებას მთელი ძალებით ცდილობს, პრინცესამ უნდა დაიცვას თავისი ოჯახი და გადაარჩინოს სამეფო…
მთვარეზე დაშვებისას ამოუცნობი ძალა მთვარეს დედამიწის ორბიტას მოაშორებს და ჩვენთვის ნაცნობი სამყაროს გასანადგურებლად გაგზავნის. შეჯახებამდე და სამყაროს აღსასრულამდე რამდენიმე კვირით ადრე „ნასას“ ხელმძღვანელი და ყოფილი ასტრონავტი ჯო ფაულერი დარწმუნებულია, რომ ჩვენი გადარჩენა შეუძლია. თუმცა მისი მხოლოდ ერთ ასტრონავტს წარსულიდან ბრაიან ჰარპერს და შეთქმულების თეორეტიკოსს ქეი სი ჰაუსმენს სჯერათ. ეს გმირობისთვის შეუფერებელი ადამიანები წარმოუდგენელ მისიას მოაწყობენ კოსმოსში. ისინი ტოვებენ ყველა საყვარელ ადამიანს, რათა გაარკვიონ, რომ მთვარე სინამდვილეში ისეთი სულაც არ ყოფილა, როგორიც გვეგონა...
სიყვარულის, ღალატის, დაცემის, შურისძიებისა და მკვლელობის 3 ათწლეული. ფილმში ვნახავთ, თუ რას ნიშნავს სახელი, რამდენად ძვირად ფასობს ის და რამდენად შორს შეუძლია, შეტოპოს ოჯახმა ძალაუფლების მოსაპოვებლად...
პატივსაცემი ვეტერანი უილ შარპი სასოწარკვეთილია, რადგან ცოლის სამკურნალოდ ფული სჭირდება. ის დახმარებას სთხოვს, ადამიანს, რომელსაც არ უნდა სთხოვოს - მის ნაშვილებ ძმას დენის. დენი ქარიზმატული კრიმინალია, რომელიც ფულის სესსხების ნაცვლად ლოს ანჯელესის ისტორიაში ბანკის ყველაზე მასშტაბურ ძარცვას სთავაზობს. მათ უნდა მოიპარონ 32 მილიარდი დოლარი. უილი ცოლის გადასარჩენად ყველაფრისთვის მზად არის...
ფილოსოფიის პროფესორის ევან ბერჩას რესპექტაბელური ცხოვრება ნგრევას დაიწყებს, როდესაც სტუდენტებთან მისი ქმედებები სააშკარაოზე გამოვა. საბოლოოდ კი იგი მისი კურსის მსმენელის მკვლელობაში მთავარი ეჭვმიტანილი ხდება.
მელანი პარკერი არქიტექტორი და სემის დედაა, ჯეკ ტეილორი გაზეთის ჟურნალისტი და მეგის მამა. ორივენი მეუღლეებს გაცილებულები არიან. ერთ მშვენიერ დილას ისინი ერთმანეთს შეხვდებიან, მაშინ როდესაც ჯეკს მეგის დაუტოვებენ და მას დაავიწყდება, რომ ბავშვი სკოლაში მისაყვანად მელანის უნდა ჩააბაროს. საბოლოოდ გამოვა, რომ ორივე ბავშვი დააგვიანებს სკოლის ექსკურსიაზე და მშობლებთან დარჩება...
ფილმი მოგვითხრობს მოჩვენებებით სავსე სახლზე ინგლისში.1930-იან წლებში, ახალგაზრდა სასულიერო პირი, მისი მეუღლე და ქალიშვილი საცხოვრებლად გადადიან მამულში, სადაც საშინელი საიდუმლოება იმალება.
თითქმის 30 წლის ჯული იძულებულია აღიაროს, რომ მას ჯერ არაფერი გაუკეთებია ცხოვრებაში და ნაკლებად სავარაუდოა რამე შეიცვალოს უახლოს მომავალში. ამ დროს მისი 44 წლის მეგობარმა ბიჭმა აკსელიმ მიაღწია წარმატებას და ახლა ჯულისთან ოჯახის შექმნა სურს. ერთ ღამეს ჯული წვეულებაზე მოხვდება, სადაც მიმზიდველ და ენერგიულ ახალგაზრდა ევინდს გაიცნობს. მასთან გატარებული ღამის შემდეგ ჯული ძველი ურთიერთობის დასრულებას და ცვლილებების იმედით ახალ პარტნიორთან ერთად ცხოვრებას გადაწყვეტს. ერთი წლის შემდეგ ჯული გაიგებს, რომ აკსელი მძიმედ არის ავად და მას საავადმყოფოში სტუმრობს.
პიტერი და ემა საერთოდ არ იცნობენ ერთმანეთს, მაგრამ როდესაც შეხვდებიან, მათ მაშინვე ერთი რამ დააკავშირებს: ორივე მოულოდნელად მიატოვა მათმა პარტნიორებმა, ენიმ და ნოემ. შედეგად, გმირების თანაგრძნობა მისიად გადაიქცევა, როცა სოციალურ ქსელში ნახავენ, რომ მათი ყოფილები სიხარულით გადავიდნენ ახალ რომანზე: ენი ლოგანთან და ნოე ჯინისთან. 30 წლის ასაკში მათი დიდი ხნის და ბედნიერი ცხოვრების შანსის დაკარგვით, და ყველაფრის თავიდან დაწყების პერსპექტივით შეშინებული, პიტერი და ემა სასოწარკვეთილ შეთქმულებას აწყობენ თავიანთი სიყვარულის დასაბრუნებლად. ახლა ისინი ყველაფერს გააკეთებენ იმისათვის, რომ თავინთი ყოფილების ურთიერთობები შეწყვიტონ.
კაილი და სუინი არკანზასელი ნარკობარონის , სახელად „ბაყაყის“, ბრძანებებს ასრულებენ, რომელიც არასდროს უნახავთ. მაგრამ როდესაც გარიგება „ჩავარდება“ შედეგებიც საშინელი იქნება...
ვიტა და ვირჯინია არის სიყვარულის ისტორია მწერალ ვირჯინია ვულფ "ელიზაბეტ დებიკის" და არისტოკრატ ვიტა საკვვილ უესტ "ჯემა არტერტონს" შორის რომანისა და მეგობრობის შესახებ...
არმიის კაპიტანი ჯეი ჯეი კოლინზი წყნარი ოკეანის შუაგულში მდებარე სამხედრო ბაზაზე აღმოჩნდება მას შემდეგ, რაც მას შეცდომით გაათავისუფლებენ პენტაგონში საოცნებო სამსახურიდან. როდესაც ერთდროული კოორდინირებული თავდასხმა დაემუქრება თავად ბაზას, კოლინზი უპირისპირდება ქარიზმატულ, მაგრამ არაკეთილსინდისიერ აშშ-ს სამხედრო დაზვერვის ყოფილ ოფიცერს ალექსანდრე კესელის, რომელიც აპირებს წარმოუდგენელი გეგმის განხორციელებას. ახლა მხოლოდ რამდენიმე წუთით ადრე, კოლინზმა უნდა გამოიყენოს თავისი ტაქტიკური წვრთნა და სამხედრო გამოცდილება, რათა დაადგინოს, ვის შეუძლია ენდოს, და ხელი შეუშალოს კესელის და მის ფარულ დაქირავებულებს მათი რთული და საშინელი მისიის დასრულებაში...
ახალგაზრდა წყვილი სახლის შესაძენად, დახმარებისთვის უძრავი ქონების სააგენტოს მიმართავს. ისინი შეხვდებიან უცნაურ გაყიდვების აგენტს, რომელიც მათ პატარა ოჯახის შესაფერის ახალ, მისტიურ სახლს შესთავაზებს...
პენსიას მოახლოვებული მორგის თანამშრომელი თავისი კარიერის განმავლობაში ძალიან ბევრ უცნაურ ისტორიას არის შესწრებული, თუმცა ყველაფერი შეიცვლება, როცა ის გააცნობიერებს , რომ უკანასკნელი ისტორია , პირადად მისი ისტორიაა.
სათავგადასავლო კომედია, შეყვარებული წყვილის მარკუსის და ემილის შესახებ, რომლებიც მექსიკის კურორტზე ველურ, მძაფრ შეგრძნებებს მოწყურებულ და წვეულებების მოყვარულ წყვილს რონს და კაილის დაუმეგობრდებიან. ამ მომენტამდე ჩვეულებრივ გაწონასწორებული წყვილი მარკუსი და ემილი მათ ახალ მეგობრებთნ ერთად ერთკვირიანი დაუღალავი გართობისა და გარყვნილების მოწყობას გადაწყვეტენ. ველურ ბუნებაში გაგულავებიდან რამდენიმე თვის შემდეგ მარკუსი და ემილი შოკირებულები აღმოჩნდებიან, როდესაც მათ ქორწილში რონი და კაილი დაუპატიჟებლად გამოჩნდებიან, სადაც ისინი ქაოს ქმნიან და ამტკიცებენ, რომ ის რაც არდადეგებზე ხდება, არ არის აუცილებელი არდადაგებში დარჩეს...
1974 წლის ამავე სახელწოდების კლასიკური სლეშერის პირდაპირი სიქველი და ფრენჩაიზის მეცხერე ნაწილი, რომელშიც მოქმედება ორიგინალი ფილმის შოკისმომგვრელი მოვლენებიდან 47 წლის შემდეგ ვითარდება. მას შემდეგ ტყავის სახე არავის უნახავს და მის შესახებ არაფერი სმენილა. რუთი, სან-ფრანცისკოში მცხოვრები 25 წლის ბიზნესმენი ქალია, რომელიც მის მეგობრებთან მელოდისთან და დანტესთან ერთად სან-ფრანცისკოდან ტეხასის შტატის შორეულ ქალაქ ჰარლოუში მიდის. მისი ქალაქში მარტო დატოვების შიშით, რუთის ასევე თავისი ინვალიდის ეტლზე მიჯაჭვული მოყვარული ფოტოგრაფი უმცროსი და ლილა მიჰყავს. მალე მათი არსებობა კოშმარად გადაიქცევა, როდესაც ისინი დაუნდობელი 60 წლის სრიული მკვლელის ტყავის სახის პირისპირ აღმოჩნდებიან, რომლის სისხლით გაჟღენთილი მემკვიდრეობა დღემდე აგრძელებს ამ რაიონის მაცხოვრებლების, მათ შორის 1973 წლის ცნობილ ხოცვა-ჟლეტაში ერთადერთი გადარჩენილის, სალი ჰარდესტის დევნას, რომელსაც შურისძიება სწყურია.
ოსკაროსანი სცენარისტისა და რეჟისორის აარონ სორკინის ბიოგრაფიული დრამა, ორი დიდი ამერიკელი სუპერვარსკვლავის უსილ ბოლის და დისი არნაზის ცხოვრების, ურთიერთობისა და ერთობლივი თანამშრომლობის შესახებ. ისინი შოკისმომგვრელი პირადი ბრალდებების, პოლიტიკური ცილისწამების და კულტურული ტაბუების პირისპირ აღმოჩნდებიან. ფილმი წყვილის რთულ რომანტიკულ და პროფესიულ ურთიერთობებს გვიჩვენებს, რომელსაც მაყურებელი სცენარისტების ოთახში, დახურულ კარს მიღმა გადაჰყავს.
'მიმდევრების' რიცხვის შემცირების გამო ტურისტული ვიდეობლოგერები, ტედი და კლერი, გადაწყვეტენ ინტერნეტში გაუშვან კონტენტი მათი ბოლო „სუპერმასპინძლის“ რებეკას შესახებ, რომელსაც ამ ორისგან უფრო მეტი სურს, ვიდრე კარგი რეპორტაჟია...
13 წლის ადამ რიდი, რომელიც ჯერ კიდევ გლოვობს მამის უეცარ სიკვდილს, ერთ ღამეს თავის ავტოფარეხში დამალულ დაჭრილ პილოტს აღმოაჩენს. ეს იდუმალი პილოტი მისი უფროსი ვერსია აღმოჩნდება მომავლიდან, სადაც დროში მოგზაურობა საწყის ეტაპზეა. მან ყველაფერი გარისკა, რათა უკან დაბრუნებულიყო საიდუმლო მისიით. ახლა ისინი ერთად უნდა წავიდნენ თავგადასავალებით სავსე წარსულში, რათა იპოვონ მამა, გამოასწორონ ყველაფერი და გადაარჩინონ სამყარო. გარდა ამისა, გმირები აღმოაჩენენ, რომ სინამდვილეში მათ არ მოსწონთ ერთმანეთი და თუ ისინი აპირებენ სამყაროს გადარჩენას, ჯერ უნდა გაარკვიონ, როგორ შეეგუონ ერთმანეთს.
„მარადიულნი“ უძველესი უცხოპლანეტელების გუნდია, რომლებიც დედამიწაზე საუკუნეების მანძილზე საიდუმლოდ ცხოვრობენ. მოულოდნელი ტრაგედია მათ ჩრდილიდან გამოსვლას და კაცობრიობის უძველეს მტერთან - უცხოებთან ბრძოლას აიძულებს.
სემი და ტუსკერი, 20 წლის პარტნიორები, მოგზაურობენ ინგლისში თავიანთი ძველი RV-ით, სტუმრობენ მეგობრებს, ოჯახს და წარსულის ადგილებს. მას შემდეგ, რაც ტუსკერს ორი წლის წინ ადრეული დემენციის დიაგნოზი დაუსვეს, მათი დროის ერთად გატარება ყველაზე მნიშვნელოვანია. თუმცა, მოგზაურობის პროგრესირებასთან ერთად, საიდუმლოებები ირკვევა და მათი სიყვარული ერთმანეთისადმი გამოცდას განიცდის. საბოლოო ჯამში, ისინი უნდა დაუპირისპირდნენ კითხვას, რას ნიშნავს ერთმანეთის სიყვარული ტუსკერის ავადმყოფობის პირობებში.
ერიკ ჯეგერის ამავე სახელწოდების რომანზე დაფუძნებული ნამდვილი ამბავი დანაშაულის, სკანდალის და შუა საუკუნეების საფრანგეთში სასამართლო პროცესის შესახებ, რომელიც განსაცვიფრებელი დეტალებით აღადგენს მშფოთვარე შუა საუკუნეებს. როდესაც ეთიკა, სოციალური მისწრაფებები და სამართლიანობა რაინდობის კოდექსით განისაზღვრებოდა, ხოლო იმდროინდელი ინსტიტუტების - ეკლესიის, სასამართლოს კეთილშობილების და ყმაწვილი მეფის - იგნორირების შედეგები შეიძლება სერიოზული ყოფილიყო, ქალისთვის, რომელიც ამ სასტიკ დროში ცხოვრობდა და ქმრის მხარდაჭერის გარეშე იურიდიული სტატუსი არ ქონდა, ფსონი კიდევ უფრო მაღალი იყო. ომიდან დაბრუნებული ნორმანდიელი რაინდი ჟან დე კარუჟი გაიგებს, რომ მისმა კონკურენტმა ჟაკ ლე გრისმა მისი ცოლი მარგარიტა გააუპატიურა. მაგრამ არავის სჯერა ქალის, და კარუჟი დახმარებისთვის პირდაპირ საფრანგეთის მეფე კარლ VI-ს მიმართავს, რომელიც გადაწყვეტს, რომ კონფლიქტი სამართლიან ბრძოლაში უნდა მოგვარდეს. თუ ქმარი წააგებს, მარგარიტას ცრუ ბრალდებების გამო ცეცხლში დაწვავენ...
ამერიკელი იაფფასიანი რომანების ავტორი მეორე მსოფლიო ომის შემდეგ ვენაში ჩადის და აღმოაჩენს, რომ მისი მეგობარი საიდუმლო ვითარებაშია მოკლული.საიდუმლოს ამოხსნის მცდელობა მას ჩაითრევს თავისი მეგობრის საქმიანობაში შავ ბაზარზე, საერთაშორისო პოლიციასთან და ჩეხ მეგობარ გოგოსთან ერთად.
პოლ ატრეიდესმა, ძალიან ნიჭიერმა და მახვილგონიერმა ახალგაზრდამ ყველაზე საშიშ პლანეტაზე უნდა იმოგზაუროს რათა საკუთარი და ოჯახის წევრების ნათელი მომავალი უზრუნველყოს. პლანეტის უძვირფასესი რესურსის დაპატრონებისთვის ბოროტი ძალები მზად არიან ყველაფერი გაიღონ. გადარჩება მხოლოდ ის, ვინც შეძლებს და საკუთარ შიშს მოერევა!
კლიმატის ცვლილების შედეგად თითქმის მთელი მაიამი წყლის ქვეშ აღოჩნდება. მარტოხელა მეცნიერი ნიკ ბანისტერი გონების მკვლევარია, რომელიც სპეციალური ტექნოლოგიის გამოყენებით წარსულის ბნელ და მიმზიდველ სამყაროში მოგზაურობს და თავის კლიენტებს დაკარგული მოგონებების აღდგენაში ეხმარება. მაიამის ჩაძირული სანაპირო ზოლის გარეუბანში მცხოვრები ნიკის ცხოვრება სამუდამოდ შეიცვალება, როდესაც იგი მის ახალ იდუმალ კლიენტს მეის შეხვდება. ის, რაც დაკარგული მოგონების მარტივი ძებნით იწყება საშიშ აკვიატებად და მგზნებარე სასიყვარულო ურთიერთობად იქცევა. მაგრამ მას შემდეგ, რაც მეი გაუჩინარდება, სიმართლის დასადგენად, ბანისტერი წარსულის ბნელ სამყაროში იძირება და მოულოდნელად სასტიკ შეთქმულებას გამოავლენს...
ამერიკელი ახალგაზრდა წყვილი საფრანგეთში მიემგაზავრება, რათა ცნობილი მოჩვენებების სახლი შეისწავლონ, რომელიც ხელოვნური ტბის ფსკერზე იქნა ჩაძირული. ისიინი აღმოჩენის სოციალურ ქსელში გაზიარებას აპირებენ, მაგრამ ამის ნაცვლად, რაღაც საშინელებას უპირისპირდებიან. წყალქვეშა სახლი ბნელი სულის თავშესაფარია და ნებისმიერი ვინც მის სიმშვიდეს დაარღვევს უმოწყალოდ აგებს პასუხს.
ტომას სევიჯის ამავე სახელწოდების რომანზე დაფუძნებული დრამატული ვესტერნი, ძმების ფილ და ჯორ ბერბანკების შესახებ. უფროსი ფილი გონიერი და სასტიკი ადამიანია, ხოლო უმცროსი ჯორჯი ნაზი და მგრძნობიარე. ორივე მათგანმა ცოტა ხნის წინ მემკვიდრეობით მიიღეს მონტანას ხეობაში მდებარე უდიდესი რანჩო. მაგრამ ძმების ურთიერთობა სწრაფად ნადგურდება, როდესაც ჯორჯი ქვრივ როუზზე ფარულად დაქორწინდება. შედეგად, გაბრაზებული ფილ ქორწინების გასანადგურებლად დაუნდობელ ომს იწყებს, და ამაში ის როუზის შვილს პიტერს პაიკის სახით იყენებს.
სარამ თითქოს იშოვნა სამსახური, რომელიც მისი მოწოდებაა - იგი ლივერპულში მუშაობს მოხუცებულთა თავშესაფარში, სადაც განსაკუთრებულ უნარს ამჟღავნებს თავშესაფრის მობინადრეებთან ურთიერთობისას. შემდეგ კი, 2000 წლის მარტში, კორონოვირუსის პანდემია იფეთქებს.
ფსიქოლოგიური თრილერი, დიზაინერის კარიერაზე მეოცნებე ახალგაზრდა გოგონას ელაიზას შესახებ, რომელიც იდუმალებით მოცულ ვითარებაში ლონდონში 1960-იან წლებში აღმოჩნდება, სადაც მისი შემოქმედებითი გზის სათავეში მყოფ საყვარელ მომღერალს სენდის შეხვდება. მაგრამ 60-იანი წლების ლონდონი სულაც არ არის ისეთი, როგორიც მთავარ გმირს წარმოედგინა. მას ეჩვენება, რომ დრო ნაწილებად იშლება, რასაც ის მძიმე შედეგებამდე მიჰყავს...
ემილი ცდილობს, ოჯახსაც მოერგოს და სკოლასაც, ამ დროს ის აღმოაჩენს პატარა წითელ ლეკვს, რომელიც მის საუკეთესო მეგობრად იქცევა. როდესაც კლიფორდი მაგიური ძალებით უზარმაზარი ძაღლი ხდება და გენეტიკის კომპანიის ყურადღებას იპყრობს, ემილი და ბიძამისი ქეისი იძულებულები ხდებიან, მთელ ნიუ იორკში გაიქცნენ. გზაში კლიფორდი ყველას ცხოვრებაზე მოახდენს გავლენას მის გარშემო და ემილის და ბიძამისს მიღებისა და უპირობო სიყვარულის ჭეშმარიტ მნიშვნელობას ასწავლის.
პოპულარული ანიმაციური კომედიური ფრენჩაიზის “სასტუმრო ტრანსილვანია“-ს მეოთხე და დასკვნითი ნაწილი, სასტუმროს მფლობელი გრაფი დრაკულასა და მისი საყვარელი მონსტრების ოჯახის ახალი თავგადასავლების შესახებ, რომლის ბნელ ციხე-სასტუმროში მონსტრები ცივილიზაციისგან და ადამიანის თვალისგან შორს ისვენებენ, სადაც ყველაფერი თავდაყირა დადგება, როდესაც ლეგენდარული პროფესორის აბრაამ ვან ჰელისგინის იდუმალი გამოგონება, “მონსტრიფიცირების სხივი” გაფუჭდება და შემთხვევით დრაკულას და მის მეგობრებს ადამიანებად, ხოლო ჯონის – პირიქით, მონსტრად გადააქცევს.
კოლეჯის სტუდენტი, რომელიც ღამღამობით მძღოლად მუშაობს, ორ საიდუმლოებით მოცულ ქალს ლოს ანჯელესის წვეულებებზე დაატარებს. როცა ის ქალების სისხლიან განზრახვას და მათ სახიფათო, იდუმალ იატაკქვეშა სამყაროს გამოააშკარავებს, გადარჩენისთვის მოუწევს ბრძოლა...
მეთ ჰეიგის ამავე სახელწოდების საერთაშორისო ბესტსელერზე დაფუძნებული ფენტეზური დრამა, ახალგაზრდა ნიკოლასის თავგადასავლების შესახებ, რომელიც შობის გმირი გახდება. ნიკოლასი ჩვეულებრივი ბიჭია, რომელიც მამის გაუჩინარების შემდეგ მის გადასარჩენად, ჩრდილო პოლუსზე წავა, სადაც ჯადოსნური სამყაროს აღმოაჩენის შემდეგ, ელფების სოფელში შობის სულს დააბრუნებს...
დრამა, რომელშიც მოვლენები პარალელურ განზომილებაში ვითარდება და უდაბნოში მცხოვრები უილის შესახებ მოგვითხრობს. მის სახლში ჯერ არშობილი ხუთი ადამიანის სული მიდის, რათა ტესტირება გაიარონ და დედამიწაზე დაბადების შანსი მიიღონ. ცხრა დღის განმავლობაში უილი თითოეულ მათგანს ამოწმებს, მაგრამ მას მხოლოდ ერთის არჩევა შეუძლია. გამარჯვებული რეალურ სამყაროში ახალშობილად გახდომის ნანატრი შესაძლებლობით დაჯილდოვდება, ხოლო დანარჩენები არსებობას შეწყვეტენ. მაგრამ მალე უილი სხვა კანდიდატებისგან განსხვავებული ემის სულის სახით საკუთარი ეგზისტენციალური გამოწვევის წინაშე აღმოჩნდება...
კრისტინა ლოპესი – მექსიკური წარმოშობის ახალგაზრდა ამერიკელი ჟურნალისტია, რომელიც მშობლიურ ვერაკრუსში მიემგზავრება, რათა გამოიძიოს ჯადოქრობისა და განკურნების იდუმალი შემთხვევები. იქ ახალგაზრდა გმირს ადგილობრივი მაცხოვრებლები იტაცებენ, რომლებიც აცხადებენ, რომ გოგონა დემონით არის შეპყრობილი და ახლა ის უნდა განდევნონ, სანამ გათავისუფლდება. მაგრამ გაქცევის მცდელობისას, კრისტინა თანდათან მიდის იმ დასკვნამდე, რომ ისინი შესაძლოა სიმართლეს ამბობენ. შედეგად, მის გამტაცებლებთან ერთად, მისი გადარჩენისთვის ბრძოლა იქცევა ბრძოლად მისი სულისთვის.
ორი დაბალი რანგის ასტრონავტი უზარმაზარ მედიატურში მიემგზავრება, რათა კაცობრიობა მოახლოებული კომეტის შესახებ გააფრთხილოს, რომელიც დედამიწას გაანადგურებს.
